Արմինֆո. ՀՀ Կենտրոնական բանկի նախագահ Արթուր Ջավադյանի պաշտոնավարման ավարտի կապակցությամբ տեղի է ունեցել ԿԲ նախագահի հանդիպումը Հայաստանի բանկերի միության նախագահ Մհեր Աբրահամյանի հետ։
ՀԲՄ մամուլի ծառայության հաղորդման համաձայն, հանդիպման շրջանակում ՀԲՄ նախագահը բանկային համակարգի անունից շնորհակալագիր է հանձնել Արթուր Ջավադյանին՝ Հայաստանի ֆինանսաբանկային համակարգի կայացման, զարգացման և միջազգային կառույցներում ինտեգրման գործում ներդրած նշանակալի ավանդի համար։
Արթուր Ջավադյանն իր հերթին շնորհակալություն է հայտնել համատեղ արդյունավետ և կառուցողական աշխատանքի համար՝ վստահություն հայտնելով, որ ԿԲ և ՀԲՄ միջև ձևավորված գործընկերային կապերն այսուհետ ևս կծառայեն ի շահ և ի բարօրություն ֆինանսական համակարգի։
Հիշեցնենք, որ Արթուր Ջավադյանին ՀՀ Կենտրոնական բանկի նախագահի պաշտոնում կփոխարինի Մարտին Գալստյանը, ում թեկնածությունը հաստատվել է ապրիլի 17-ին ՀՀ Ազգային ժողովում գաղտնի քվեարկության արդյունքում: Նրա թեկնածությունն առաջադրել է կառաավարող "Իմ քայլը" խմբակցությունը։ ՀՀ կենտրոնական բանկի նախագահ Արթուր Ջավադյանի պաշտոնավարման ժամկետն ավարտվել է հունիսի սկզբին, և դա նրա պաշտոնավարման երկրորդ ժամկետն է:
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |