Արմինֆո. ՀՀ կենտրոնական բանկը մտադիր է աստիճանաբար ձեռնամուխ լինել Հայաստանում կյանքի ապահովագրության ինստիտուտի ներդրման ծրագրի իրականացմանը' բարձր հեղինակություն ունեցող միջազգային ընկերությունների ներգրավմամբ: "Մենք այդ մասին լրջորեն մտածում ենք", - ԱԺ ամբիոնից հաղորդել է ՀՀ Կենտրոնական բանկի նախագահ Մարտին Գալստյանը՝ պատասխանելով պատգամավորների հարցերին:
ՀՀ ԿԲ ղեկավարը խոսել է նաեւ գյուղատնտեսական ռիսկերի ապահովագրության համակարգի աստիճանական ընդլայնման մասին, որոնց վերաբերյալ ապահովագրերն սկսել են գործել ընթացիկ տարվա սկզբից: Ագրոապահովագրության ծրագրի ընդլայնումը կընթանա ինչպես գյուղատնտեսական մշակաբույսերի քանակի, այնպես էլ ռիսկերի ավելացման առումով։ Այս առնչությամբ նա նշել է, որ վերջերս ապահովագրական ընկերություններից մեկը ՀՀ ԿԲ-ին է ներկայացրել մի ուսումնասիրություն, որում, Գալստյանի ասելով, նախանշված են հետաքրքիր եզրակացություններ, որոնք օգտագործելով կարելի է բարելավել գյուղատնտեսության ապահովագրությունը:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |