Արմինֆո. Տվյալ պահին Հայաստանի ֆինանսաբանկային համակարգը բավականին կայուն է եւ կապիտալացված, բայց սցենարների զարգացումը կորոնավիրուսի երկրորդ եւ երրորդ բռնկումների դեպքում կարող է մեծ դժվարություններ ստեղծել համաշխարհային տնտեսության եւ, մասնավորապես, Հայաստանի տնտեսության համար: Այս մասին հունիսի 30-ին կայացած մամուլի ասուլիսի ժամանակ հայտարարել է Հայաստանի Կենտրոնական բանկի նախագահ Մարտին Գալստյանը։
Պատասխանելով Արմինֆո-ի թղթակցի հարցին՝ նա նշել է, որ ստեղծված պայմաններում Հայաստանի համար առավելություն է փոքր երկիր լինելը, քանի որ դա թույլ է տալիս ավելի արդյունավետ մոնիտորինգ իրականացնել: Այս առնչությամբ Մարտին Գալստյանն ընդգծել է, որ անհրաժեշտության դեպքում ԿԲ-ն պատրաստ է պաշտպանել Հայաստանի ֆինանսական կայունությունը' կիրառելով առկա գործիքակազմը:
Հիշեցնենք, որ Արժույթի միջազգային հիմնադրամը գլոբալ ֆինանսական կայունության հարցերի վերաբերյալ հունիսյան զեկույցում նշել էր, որ կորոնավիրուսի եւ իրավիճակի զարգացման չափազանց բարձր անորոշության պայմաններում ֆինանսական պայմանները մեղմացվել են, սակայն կա անվճարունակության լուրջ սպառնալիք: Մասնավորապես, ԱՄՀ-ն ազգային իշխանություններին կոչ է արել իրական տնտեսությանն աջակցությունը շարունակելուն զուգընթաց ուշադիր հետեւել ֆինանսական խոցելիության գործոններին եւ ֆինանսական կայունության պահպանմանը:
RUB | 4.27 | 0.00 |
USD | 394.71 | -0.97 |
EUR | 427.55 | -1.96 |
GBP | 498.56 | -2.21 |
CAD | 290.38 | -1.33 |
JPY | 26.11 | -0.04 |
CNY | 54.62 | -0.20 |
CHF | 435.85 | -3.60 |