2020 թվականին Հայաստանում կիրականացվի ավելի քան 338 կմ երկարությամբ ճանապարհների կապիտալ եւ միջին վերանորոգում

Արմինֆո. 2020 թվականին Հայաստանում կիրականացվի ավելի քան 338 կմ երկարությամբ ճանապարհների կապիտալ և միջին վերանորոգում: Այդ մասին մամուլի ասուլիսի ժամանակ հաղորդել է ՀՀ տարածքային կառավարման և ենթակառուցվածքների փոխնախարար Քրիստինե Ղալեչյանը: Նրա խոսքով, այդ նպատակով պետբյուջեից հատկացվել է 21.6 մլրդ դրամ, որը կուղղորդվի Հայաստանի 10 մարզերում 251.6 կմ ճանապարհների եւ տրանսպորտային ենթակառուցվածքների 8 օբյեկտների հիմնանորոգմանը, ինչպես նաեւ 87 կմ երկարությամբ ճանապարհների միջին վերանորոգմանը: "Սա բավականին բարձր ցուցանիշ է, եւ մենք ամեն ինչ կանենք ծրագրված ծավալներին հասնելու համար", - ասել է փոխնախարարը:

Դրա հետ մեկտեղ, Ղալեչյանը հաղորդել է, որ ընթացիկ տարում կշարունակվեն 31 կմ ճանապարհների վերականգնման աշխատանքները, որոնք չեն հասցրել ավարտել 2019 թվականին:

Բացի այդ, նրա խոսքով, կարեւոր նշանակություն կունենա աշխատանքների որակը, ինչի կապակցությամբ պետությունը կուժեղացնի վերահսկողության մեխանիզմները: "Մենք հետևողականորեն գնալու ենք այն նպատակին, որը թույլ կտա մեզ հայտարարել, որ Հայաստանի ճանապարհային ցանցը գտնվում է բարենպաստ վիճակում, հարմար է երթուղիների համար, իսկ ամենակարևորը ՝ անվտանգ է", - նշել է Ղալեչյանը: