Շաբաթ, 4 Հուլիսի 2020 12:12

Արմինֆո. Գույքահարկին վերաբերող նոր օրենքում նշված դրույթները բոլորը ճիշտ են, բայց կան տարրեր, որոնք հաշվի առնված չեն: ՀՀ նախագահի աշխատակազմի հաղորդման համաձայն, այդ մասին հայտարարել է նախագահ Արմեն Սարգսյանը մի շարք ՏՏ ընկերությունների ղեկավարների հետ հանդիպման ընթացքում:

 

«Օրենքը դրվում է իմ սեղանին, և այն Սահմանադրության հետ հակասություն չունի: Ես չեմ կարող այն ուղարկել Սահմանադրական դատարան: Սակայն ես գտնում եմ, որ այն ժամանակավրեպ է: Այն ունի դրական տարրեր, քանի որ այդ գույքահարկը պետք է կանոնակարգվի. չես կարող 20 տարի առաջվա գույքահարկով ապրել և այլն: Օրենքում նշված դրույթները բոլորը ճիշտ են, բայց կան տարրեր, որոնք հաշվի առնված չեն: Օրինակ, պետք է հաշվի առնել, որ Երևանի կենտրոնում՝ «Նաիրի» կինոթատրոնի հարակից տարածքում, ապրում են մարդիկ, որոնք այդ տունը ստացել են իրենց պապիկից, որը եղել է ակադեմիկոս: Հիմա այդ մարդը դոցենտ է և ի վիճակի չի լինելու վճարել ավելացված հարկը: Ի՞նչ եմ անում ես: Եթե չեմ ստորագրում, միևնույն է, այն ստորագրվելու է Ազգային ժողովի նախագահի կողմից և ուժի մեջ է մտնելու: Սահմանադրական դատարան չեմ կարող դիմել: Ի՞նչ է մնում ինձ անել՝ ստորագրել: Ստորագրում եմ և նաև տարածում հայտարարություն՝ մանրամասն բացատրելով, թե որոնք են խնդիրները, և ինչ կարելի է անել:

Եթե ես ունենայի վետո դնելու իրավունք, ապա կդնեի: Եթե ես ունենայի իրավունք՝ օրենքը հետ ուղարկելու Ազգային ժողով և նշեի, որ արվեն փոփոխություններ, կանեի: Ես չունեմ այդ իրավունքը: Նաև դուք ինքներդ առաջարկությամբ հանդես եկեք, և եթե համաձայն լինեմ ձեր առաջարկության հետ, ապա իմ հնարավորության սահմաններում կպաշտպանեմ այն: Ձեզ կոչ եմ անում՝ ինքներդ պաշտպանեք ձեզ, ձեր բիզնեսը: Ձեր ոլորտը մեր երկրի ապագան է», - ընդգծել է նախագահը:

 

Հիշեցնենք, որ ՀՀ Ազգային ժողովը հունիսի 25-ի արտահերթ նիստում երկրորդ եւ վերջնական ընթերցմամբ փոփոխություններ է կատարել Հարկային օրենսգրքում: Ինչպես իր ելույթում նշել է ՀՀ ֆինանսների փոխնախարար Արման Պողոսյանը, օրինագծով նախատեսվում է գույքահարկի հաշվարկման նոր մեխանիզմներ կիրառել ' ելնելով դրա շուկայական, այլ ոչ կադաստրային գնից:

 

Սակայն այդ գործընթացը իրականացվելու է փուլ առ փուլ՝ վեց տարվա ընթացքում։ Մասնավորապես, 2021 թվականին հաշվեգրումը կիրականացվի գույքի շուկայական արժեքի 25%-ի չափով ՝ այդ ծավալների աաամենամյա աստիճանական աճով 25% - ով ։ Բացի այդ, 200 մլն դրամ եւ ավելի արժողությամբ գույքի նկատմամբ կկիրառվի տարեկան տոկոսադրույք՝ դրա արժեքի 1,5%-ի չափով՝ նախկինում նախատեսված 1%-ի փոխարեն։ Այդպիսով, երկրի քաղաքացիները գույքահարկի չափի առաջին աննշան բարձրացումը կզգան 2,5 տարի հետո՝ 2022 թվականի դեկտեմբերի 1-ից։ Ընդ որում, հաշվի է առնվելու գույքի գտնվելու 20 գոտիներից մեկը։ Օրինակ, առաջին գոտում, որն ընդգրկում է Երեւանի կենտրոնը, բնակարանի 1 քմ արժե 330 հազար դրամ, 19-րդ գոտում, որը գտնվում է սահմանամերձ շրջաններում ՝ 142 դրամ, 20 - րդ գոտում ՝ 92 դրամ։ Այսպիսով, քաղաքացիների մեծամասնության համար, ինչպես նկատել է Արման Պողոսյանը, թանկացումն աննշան կլինի։ Ավելին, հաշվարկ չի կիրառվի չորրորդ աստիճանի վթարային շենքերի նկատմամբ:

 

Նախատեսված միջոցը թույլ կտա զգալիորեն ավելացնել տեղական իշխանության մարմինների բյուջեների եկամուտները։ Նշենք, որ Հայաստանում գույքահարկի նոր դրույքաչափերի կիրառումը 4.3 անգամ կավելացնի տեղական ինքնակառավարման մարմինների բյուջեների մուտքերը։ Ներկայացված փաստաթուղթը, որն ավելի շատ բնութագրվում է "որպես հարստության հարկ", հարկային համակարգի բարեփոխման ընդհանուր փաթեթի մի մասն է: Նախատեսվում է, մասնավորապես, հարկային համակարգում ներառել  նաեւ մինչեւ 3 մլն դրամ արժողությամբ բնակարանները, որոնցից նախկինում գույքահարկով չի հարկվել։ Այս միջոցը խորհրդանշական բնույթ է կրելու։