Արմինֆո. Երևանի փայլաթիթեղագլանման ԱՐՄԵՆԱԼ գործարանը նշեց Մետաղալուրգի օրը ձեռնարկության ողջ գործունեության ընթացքում կես տարվա լավագույն ցուցանիշերով: Գերակատարված են արտադրության և պատրաստի արտադրանքի բեռնման վեցամսվա ծրագրերը:
«Արտադրության կայունության ապահովման և արդյունավետության բարձրացման շնորհիվ մենք հասանք փայլաթիթեղի թողարկման ծավալների աճին՝ ինչպես կշռով, այնպես էլ լայնքով: Աճել է արտադրանքի որակը, իրագործված են առաջնահերթ բնապահպանական նախագծերը ջրային և օդային միջավայրերի պահպանման ուղղություններով», - հայտարարեց ԱՐՄԵՆԱԼ-ի գլխավոր տնօրեն Արթուր Զաքարյանը:
Մասնագիտական տոնի առիթով գործարանի աշխատակիցների մի մեծ խումբ արժանացել է ոլորտային և գերատեսչական պարգևների:
Մետալուրգիայի զարգացման գործում ներդրման համար գլխավոր մեխանիկ Նարեկ Ղազարյանին, փաթաթող Գերասիմ Մարտիրոսյանին և ավագ պահեստավորող Ռուզաննա Գրիգորյանին հանձնվեցին լեռնագործների և մետալուրգներ հանրապետական արհմիության մեդալներ:
ՌՈՒՍԱԼ ընկերության պատվոգրերով պարգևատրվեցին պլանադիսպետչերական բաժնի ղեկավար Ալեքսանդր Բաղդասարյանը, վարպետ Արթուր Կարապետյանը և հաշվապահ Վահագն Ջիլավյանը:
Տասնյակից ավելի փայլաթիթեղագլանողներ խրախուսանքի արժանացան լեռնագործների և մետալուրգների հանրապետական արհկոմի, ՌՈՒՍԱԼ-ի ոլորտային դիվիզիոնի և ԱՐՄԵՆԱԼ գործարանի կողմից:
Մետալուրգի օրվա առիթով ամփոփվեցին «Տարվա բարելավում» և «ՌՈՒՍԱԼ-ի պրոֆեսիոնալները» մրցույթների արդյունքները: Հաղթողներն արժանացան դիպլոմների և դրամական պարգևների:
Տեղեկություններ գործարանի մասին
ԱՐՄԵՆԱԼ-ը 2000 թվականից ՌՈՒՍԱԼ-ի կազմում է: Հայաստանի խոշորագույն արտադրական ձեռնարկություններից մեկն է և ալյումինի փայլաթիթեղի միակ արտադրողը Կովկասում և Կենտրոնական Ասիայում: Ստեղծվել է Քանաքեռի ալյումինի գործարանի հիմքի վրա, որը շահագործվել է 1950 թ.:
