Արմինֆո. Այսուհետ Հայաստանում այն ավտոմեքենաները, որոնց շահագործման ժամկետը չորս տարուց պակաս է, ազատվում են տեխնիկական զննություն անցնելու անհրաժեշտությունից։ Այդ մասին սեպտեմբերի 4-ին մամուլի ասուլիսի ժամանակ հայտարարել է ՀՀ տարածքային կառավարման եւ ենթակառուցվածքների փոխնախարար Արմեն Սիմոնյանը։
Նա նշել է, որ տեխզննմանը վերաբերող օրինագիծն արդեն արժանացել է ՀՀ կառավարության հավանությանը եւ սեպտեմբերի 9-ին կներկայացվի ՀՀ ԱԺ անվտանգության հարցերի մշտական հանձնաժողովի քննարկմանը:
Մասնավորապես, փոխնախարարը տեղեկացրել է, որ 4 տարուց հին տրանսպորտային միջոցների համար տեխզննումը պարտադիր կարգով կիրականացվի 2 տարին մեկ՝ 10 տարվա ընթացքում, որից հետո՝ ամեն տարի: Բացի այդ, նախատեսվում է ներդնել էլեկտրոնային կառավարման համակարգ, որը թույլ կտա իրականացնել տեխզննումը ավտոմատացված և պատշաճ կերպով: Բացի այդ, ըստ հերթական օրինագծի, գազի բալոնով հագեցված մեքենաները պետք է 2 տարին մեկ պարբերականությամբ անցնեն սերտիֆիկացում: "Այդ մեքենաների վարորդները պետք է ստուգումներ անցնեն, եւ խնդիրների բացակայության դեպքում կստանան համապատասխան փաստաթուղթ գազաբալոնային սարքավորումներով մեքենայի շահագործման թույլտվության մասին", - ասել Է Սիմոնյանը:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |