Արմինֆո. Ալկոհոլի արտասահմանյան արտադրողները կարող են դժվարությունների բախվել՝ գինեգործության մասին ռուսական նոր օրենքի պատճառով։ Այն պարտավորեցնում է, մասնավորապես, պիտակի վրա նշել խաղողի ծագման տեղն ու բերքահավաքի տարին ։ Վտանգի տակ կարող են հայտնվել արտասահմանյան որոշ գինիների եւ կոնյակների մատակարարումները։
Ինչպես գրում է ՌԲԿ ինտերնետ-պարբերականը, բանն այն է, որ նրանց արտադրության տեխնոլոգիան միշտ չէ, որ թույլ է տալիս հստակ նշել խաղողի բերքի տարին եւ վայրը։
Օրինակ, փորձագետները նշում են, որ շամպայնը կարող է պատրաստվել տարբեր բերքի խառնուրդից, իսկ կոնյակը՝ տարբեր հնեցման թորվածքների խառնուրդից: Ինտերնետ-հրատարակության տվյալներով ՝ օգոստոսի վերջին Եվրասիական տնտեսական միության շրջանակներում կայացած խորհրդակցության ժամանակ գինեգործության մասին ռուսական օրենքի ոչ միանշանակ մեկնաբանության թեման բարձրացրել է ՀՀ փոխվարչապետ Մհեր Գրիգորյանը ։
Նա հայտնել է Ռուսաստան ալկոհոլի մատակարարման հետ կապված խնդիրների մասին ։ Տուժածների թվում են նաև Երևանի կոնյակի գործարանը։ Ալկոհոլի խոշորագույն մատակարարներից մեկում ՝ Simple խմբում, նշում են, որ առեւտրային ցանցերը տուգանքների սպառնալիքի տակ ստիպված են պահանջել, որպեսզի բերքի տեսակի, տարվա եւ ծագման վայրի մակնշումը համապատասխանի օրենսդրությանը: Արդյունաբերության եւ առեւտրի նախարարությունից վստահեցնում են, որ չեն ստացել փաստաթղթեր, որոնք կվկայեն ներկրվող ալկոհոլի ընդունումը մերժելու մասին։
