Արմինֆո. 2020 թվականի առաջին կիսամյակում Հայաստանը ծխախոտի արտահանումը կրճատել է 13.8% - ով ՝ մինչև 10.7 մլրդ հատ: Մաքսային արժեքը, համապատասխանաբար, նվազել է 11.1% - ով՝ մինչև 106.2 մլն դոլար: Այդ մասին են վկայում ՀՀ մաքսային ծառայության տվյալները:
Հիմնականում, Հայաստանից ծխախոտային արտադրատեսակներ են արտահանվել Իրաք (62,3%), Սիրիայի Արաբական Հանրապետություն (16,8%), ԱՄԷ (12%), Վրաստան (2,9%), ՌԴ (3,1%), ինչպես նաեւ Ուկրաինա, Աֆղանստան, Լյուքսեմբուրգ, Լատվիա, Վիետնամ, Հոնկոնգ, Քուվեյթ, Բահրեյն, Չեռնոգորիա, Մոնղոլիա, Գերմանիա եւ այլն:
Հաշվետու ժամանակահատվածում Հայաստանը կրճատել է նաև ծխախոտի, սիգարիլաների և սիգարների ներմուծումը 5.5% - ով' մինչև 920 մլն հատ, մաքսային արժեքի 10.2%-ով' մինչև 14.8 մլն դոլար աճի դեպքում: Արտադրանքը հայկական շուկա է ներկրվել Ուկրաինայից (76.4%), ՌԴ-ից (20.3%), Հունաստանից (2.6%), ինչպես նաև Գերմանիայից, Լատվիայից, Շվեյցարիայից, Լեհաստանից, Բուլղարիայից, Իտալիայից, Նիդերլանդներից, Թուրքիայից, Ռումինիայից, ԱՄՆ-ից, Միացյալ Թագավորությունից, Դոմինիկյան Հանրապետությունից և այլն:
Ծխախոտի հումքը, հիմնականում, ներկրվել է Բրազիլիայից (32,6%), Զիմբաբվեից(20,4%), Հնդկաստանից (13,6%), ինչպես նաեւ Բանգլադեշից, Մալավիից, Բելգիայից, Իսպանիայից, Թուրքիայից, Թայլանդից, Չինաստանից և այլ երկրներից: Հաշվետու ժամանակահատվածում ծխախոտի հումքի ներկրումն աճել է 27,1% - ով ՝ մինչև 12,5 հազ.տոննա, մաքսային արժեքի 23,5% - ով՝ մինչև 48,2 մլն դոլար աճի դեպքում: Նշենք, որ ՀՀ վիճակագրական կոմիտեի տվյալներով, 2020 թ. առաջին կիսամյակում Հայաստանում ծխախոտի արտադրանքը կրճատվել է 22.6%-ով՝ մինչև 70.1 մլրդ դրամ:-
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |