Հայաստանում զգալիորեն ակտիվացել է հողային հիփոթեքը

Արմինֆո.Հայաստանում հողամասերին առնչվող հիփոթեքային գրավային գործարքները 2020թ.օգոստոսին երկու անգամ աճել են 2019թ. օգոստոսի համեմատ, ինչն ուղեկցվել է ամսական 28,6% անկումից մինչեւ 33,3% կտրուկ աճ դինամիկայով:

Հատկանշական է, որ ավելի պատկառելի ակտիվություն է  արձանագրվել գյուղատնտեսական նշանակության հողերին առնչվող հիփոթեքային գործարքների գծով, որոնք տարեկան կտրվածքով աճել են 5 անգամ, եւ նույնքան՝ ամսվա ընթացքում՝ դուրս գալով հուլիսյան 85,7 տոկոս անկումից։ Ինչպես վկայում են ՀՀ անշարժ գույքի կադաստրի պետական կոմիտեի տվյալները, օգոստոսին կատարվել է 20 հողային հիփոթեքային գործարք (կամ հիփոթեքային գործարքների ընդհանուր թվի 4,8% - ը), որոնցից 10-ը ' գյուղատնտեսական նշանակության հողերի գրավով:

Կադաստրային տվյալների համաձայն, ընդհանուր առմամբ, ընթացիկ տարվա օգոստոսին կատարվել է անշարժ գույքին առնչվող հիփոթեքի 421 գրավային գործարք: Մեկ տարվա ընթացքում գործարքների թիվը նվազել է 13% - ով: Դրանց գերակշռող մասը (64,4%) կատարվել է Երեւանում, իսկ մարզերի շրջանում առավել ակտիվ է եղել Կոտայքի մաարզը (12,4%), եւ ամենապպպասիվը՝ Գեղարքունիքի (0,5%) մարզը: Ամենից շատ հիփոթեքային գրավային գործարքներ բաժին են ընկնում բնակարաններին (278 կամ գործարքների ընդհանուր թվի 66%) եւ մասնավոր տներին (80 կամ 19%), իսկ երրորդ ըստ նախասիրության ավտոտնակներն են  (26 կամ 6,2%):

Օգոստոսին բնակարաններին առնչվող հիփոթեքային գրավի գործարքների աճը զգալիորեն դանդաղել է՝ մինչեւ 3% հուլիսյան 76,5%-ից (տարեկան 22,8% անկման դեպքում), մասնավոր տներին առնչվող գործարքներն,  ընդհանրապես, 3.6% անկում են  արձանագրել՝ հուլիսի  53,7% աճից (տարեկան 8% անկման դեպքում):

Մասնավորապես, Երեւանում բնակարաններին առնչվող հիփոթեքային գրավային գործարքների թիվը կազմել է 206, իսկ մասնավոր տների՝ 23: Մարզերում նույնպես գերակշռում են բնակարաններին առնչվող գործարքները՝ 72, իսկ մասնավոր տներինն ավելի մեծ ժողովրդականություն են վայելում (57), քան մայրաքաղաքում։ Իսկ հողին առնչվող հիփոթեկային գրավային գործարքները մարզերում կատարվել են 15-ը (ներառյալ 10 գյուղատնտեսական նշանակության), իսկ մայրաքաղաքում՝ 5։

Նշենք, որ ՀՀ ԿԲ տվյալներով, բանկերի եւ վարկային ընկերությունների կողմից հիփոթեքային վարկավորման ծավալները օգոստոսին գերազանցել են 450 մլրդ դրամը (927.2 մլն դոլար)՝ 34% տարեկան աճով, հունվար - հուլիսին' 15% աճով, որից միայն հուլիսին' 3%-ով: Հիփոթեքային վարկավորման ընդհանուր ծավալից բանկերին բաժին է ընկնում 93% կամ 417.2 մլրդ դրամ ($860 մլն), 37% տարեկան աճով, հունվար-հուլիսին' 16.3% (որից 3%՝ հուլիսին):

Նշենք, որ վարկային ընկերությունների շարքում հիփոթեքի գծով առաջատար են, "Ազգային Հիփոթեքային Ընկերությունը" եւ "Մատչելի բնակարան երիտասարդներին", որոնք կոչված են իրականացնելու  նման փոխառությունների վերաֆինանսավորում, ինչպես նաեւ "Առաջին հիփոթեքային ընկերությունը" եւ "Ֆիդեսը", որոնք մասնագիտացված են հիփոթեքային վարկերի գծով: