Արմինֆո.ԵԱՏՄ-ում պարենային գրեթե բոլոր ապրանքախմբերի գծով պրոֆիցիտ է գրանցվել, բացառությամբ միակ խմբի՝ մրգերի ու հատապտուղների, որտեղ դեֆիցիտը կազմել է շուրջ 55 տոկոս: Այս մասին Երևանում կայացած ճեպազրույցի ընթացքում հայտնել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ Արտակ Քամալյանը ՝ պատասխանելով ԱրմԻնֆո-ի թղթակցի հարցին ։
Նա նշել է, որ, օրինակ, ԵԱՏՄ - ում հացահատիկի մասով պրոֆիցիտը կազմում է մոտ 50 մլն տոննա, շաքարի ՝ 1 մլն տոննա և այլն ։ Ուստի ագրոարդյունաբերական քաղաքականության մեջ մենք շեշտը դնում ենք ավելի շատ այն բանի վրա, որ զարգացնենք ԵԱՏՄ անդամ երկրների փոխգործակցությունը ՝ երրորդ երկրների շուկաներ դուրս գալու նպատակով>, - ասել է նա։
Անդրադառնալով Հայաստանին, պատասխանելով ԱրմԻնֆո-ի թղթակցի հարցին՝ ԵՏՀ նախարարը նշել է, որ ԵԱՏՄ շուկա հայկական արտադրանքի մատակարարման ծավալների առումով վերջինս փոքր է, բայց ոչ թե այն պատճառով, որ Հայաստանը վատ է աշխատում, այլ հարցն այն է, որ գյուղարտադրության ծավալը մեծ չէ: Այս համատեքստում Քամալյանը հիշեցրել է, որ ընդհանուր առմամբ ՀՀ-ում վարելահողերի ծավալները հասնում են 450 հազարի, ինչն անհամեմատելի է ՌԴ-ում եւ Ղազախստանում միլիոնավոր հեկտարների հետ: <Որքան էլ լավ աշխատենք, ԵԱՏՄ շուկայում հայկական գյուղատնտեսական արտադրանքի տեսակարար կշիռը փոքր է>, - ասել է Քամալյանը: Ընդ որում, նա ընդգծել է, որ չնայած արտադրության փոքր ծավալներին՝ Հայաստանը եվրասիական շուկա գյուղմթերքի արտահանման տեսանկյունից լավ արդյունքներ է գրանցել։
Նշենք, որ ՀՀ Վիճակագրական կոմիտեի տվյալներով ՝ Հայաստանի գյուղատնտեսության և ձկնորսության համախառն արտադրանքը 2020 թվականի առաջին կիսամյակում աճել է 1.8% - ով ՝ կազմելով 255.7 մլրդ դրամ ։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |