Արմինֆո. Այսօրվա դրությամբ տեղեկատվական տեխնոլոգիաների կիրառմամբ կոոպերացիոն կապերի կառուցումը Եվրասիական տնտեսական հանձնաժողովի (ԵՏՀ) շրջանակներում լուծվող ամենահրատապ հարցերից մեկն է: Այս մասին մամուլի ասուլիսի ժամանակ հայտարարել է ԵՏՀ Կոլեգիայի նախագահի օգնական Իյա Մալկինան ՝ պատասխանելով Արմինֆո-ի հարցին ։
Նա նշել է, որ հանձնաժողովը շարունակելու է աշխատել եվրասիական տեխնոլոգիական հարթակների խորացման ուղղությամբ, որոնք ներկայումս ավելի քան 16-ն են: < Դրանք իրենցից ներկայացնում են նաև առաջատար ընկերությունների գիտաարտադրական կոնսորցիումներ: Բացի այդ, մենք այսօր շատ ակտիվ աշխատում ենք այնպիսի ուղղություններով, ինչպիսիք են՝ տիեզերքը, բժշկությունը, տեղեկատվական և հաղորդակցական տեխնոլոգիաները, բնական ռեսուրսների արդյունահանումը, էներգետիկան, գյուղատնտեսությունը, արդյունաբերական տեխնոլոգիաները և այլն>, - հավելել է Մալկինան ։
Այս համատեքստում ԵՏՀ Կոլեգիայի նախագահի օգնականը նշել է, որ միության շրջանակներում առաջնային է միջպետական ծրագրերի իրականացումը, որոնք ուղղված են անդամ պետությունների տնտեսությունների տարբեր ճյուղերի արտադրությանն ու ծառայությունների մատուցմանը: <Արդեն այսօր մենք տեսնում ենք այն նախագծերի իրականացման շատ լավ հեռանկարները, որոնք ստեղծվում են միջպետական ծրագրերի շրջանակներում>, - եզրափակել է նա:
RUB | 4.22 | 0.06 |
USD | 387.63 | -0.37 |
EUR | 414.92 | -1.29 |
GBP | 485.04 | -1.51 |
CAD | 282.47 | -1.03 |
JPY | 25.00 | 0.27 |
CNY | 53.53 | -0.05 |
CHF | 425.22 | -0.50 |