Արմինֆո.ՎՏԲ-Հայաստան Բանկը երկարաձգում է «Շահավետ ներդրում» ավանդային ակցիան: Մինչև սույն թվականի դեկտեմբերի 30-ը ձևակերպելով «Շահավետ» ՀՀ դրամով ավանդատեսակը 365-730 օր ժամկետով տարեկան 10% տոկոսադրույքով՝ հաճախորդներին տրվում է հնարավորություն կրկնապատկել ավանդի տոկոսադրույքը:
Ակցիայի ավարտին 10 շահողների ավանդների տարեկան տոկոսադրույքը կկրկնապատկվի՝ սահմանվելով 20%:
Ավանդը ձևակերպվում է տարեկան 10% տոկոսադրույքով՝ տոկոսագումարները ավանդի ժամկետի վերջում ստանալու պայմանով: Ավանդի գումարի առավելագույն սահմանաչափը, որի նկատմամբ կկիրառվի 20% տոկոսադրույք, կազմում է 10 մլն ՀՀ դրամ: Ավանդի վաղաժամկետ դադարեցման դեպքում 20% տոկոսադրույքը չի կիրառվում, իսկ տոկոսները հաշվարկվում են տվյալ ավանդատեսակի համար Բանկում գործող ստանդարտ պայմաններով:
Յուրաքանչյուր հաճախորդ կարող է մասնակցել ակցիային միայն մեկ ավանդով:
Ավանդների տարեկան եկամտաբերությունը 10%-ի դեպքում կազմում է 9.97%, 20% դեպքում՝ 19.95% : Տոկոսագումարից գանձվող եկամտային հարկը կազմում է 10%:
«Շահավետ ներդրում» ակցիային մասնակցում են նաև «Պրոգրես» «Հարմարավետ» և «Սոցիալական» ավանդները՝ տվյալ ավանդատեսակների համար Բանկում գործող պայմաններով:
Հաճախորդների հարմարավետության համար՝ ՎՏԲ-Հայաստան Բանկն առաջարկում է ձևակերպել ավանդ «Վիդեո Բանկ» ծառայության միջոցով՝ հեռահար եղանակով, առանց մասնաճյուղեր այցելելու անհրաժեշտության:
Ակցիայի վերաբերյալ մանրամասն տեղեկություններ կարելի է ստանալ Բանկի պաշտոնական կայքում՝ https://www.vtb.am/am/promotion/shahavet-nerdrowm, Բանկի մասնաճյուղերում կամ զանգահարելով Բանկի Կոնտակտային կենտրոն՝ 87-87 հեռախոսահամարով:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |