Արմինֆո. Դեկտեմբերի 15-ի նիստում ՀՀ ԿԲ խորհուրդը որոշեց բարձրացնել վերաֆինանսավորման տոկոսադրույքը 1.0 տոկոսային կետով՝ սահմանելով 5.25%:
Հայաստանի Հանրապետության կենտրոնական բանկի կողմից տրամադրվող լոմբարդային ռեպոյի տոկոսադրույքը` 6.75%: Հայաստանի Հանրապետության կենտրոնական բանկի կողմից բանկերից ներգրավվող միջոցների տոկոսադրույքը` 3.75%:
ԿԲ Խորհրդի այս որոշման մանրամասն հիմնավորումն այսօր (ժամը 15:30 - ին) մամուլի ասուլիսում կներկայացնի Կենտրոնական բանկի նախագահ Մարտին Գալստյանը:
Նշենք, որ ընթացիկ տարում ՀՀ Կենտրոնական բանկը չորս անգամ իջեցրել է վերաֆինանսավորման տոկոսադրույքը, ընդ որում ՝ մեկ անգամ 0.5% - ով և երեք անգամ ՝ 0,25 տոկոսային կետով (2020թ. մարտի 17, ապրիլի 28, հունիսի 16 և սեպտեմբերի 15) ՝ ընդհանուր առմամբ 5.5% - ից մինչև 4.25%, ինչին համապատասխան իջեցվել են լոմբարդային ռեպոյի տոկոսադրույքները ՝ 7% - ից մինչև 5,75%, և բանկերից ներգրավվող միջոցների տոկոսադրույքները՝ 4% - ից մինչեւ 2.75%: Եվ այդ տոկոսադրույքները պահպանվել են մինչեւ այսօրվա փոփոխությունը՝ դեպի բարձրացում։
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |