Արմինֆո. Ռուսաստանի նախագահ Վլադիմիր Պուտինը հայտնել է, որ Եվրասիական տնտեսական միության երկրները (Հայաստան, Բելառուս, Ղազախստան, Ղրղըզստան եւ Ռուսաստան) հավանություն են տվել միասնական ֆինանսական շուկայի հայեցակարգին, հաղորդում է <ՌԻԱ Նովոստին>:
Բացի այդ, ԵԱՏՄ անդամ երկրները պատրաստում են միասնական էներգաշուկայի զարգացման հայեցակարգ, հավելել Է նա միավորման ինտեգրացիոն գործընթացների վերաբերյալ խորհրդակցության ժամանակ: <Միության անդամ պետությունների կողմից հաստատվել է ԵվրԱզԷՍ-ի ընդհանուր ֆինանսական շուկայի ձեւավորման հայեցակարգը, ընթանում է ընդհանուր էլեկտրաէներգետիկական շուկայի ստեղծման նախապատրաստումը ։ Մենք ձեռնամուխ ենք եղել գազի, նավթի եւ նավթամթերքների ընդհանուր շուկաների ձեւավորման ծրագրի իրականացմանը ։ Դա բարդ հարց է>, - հայտարարել Է Վլադիմիր Պուտինը ։
Որպես միության անդամ պետությունների միջև փոխհամաձայնության հաջող օրինակ՝ նա նշել է դեղերի և բժշկական ապրանքների արտադրության և շրջանառության միասնական շուկայի ստեղծումը ։
<Ընթացիկ տարվա հունվարի 1-ից ԵվրաԱզԷՍ-ի երկրներում բոլոր դեղամիջոցների գրանցումն իրականացվում է միասնական կանոններով եւ ընթացակարգերով ։ Սա չափազանց կարեւոր է հիմա, մենք բոլորս էլ շատ լավ հասկանում ենք, երբ մեր երկրները բախվում են ընդհանուր մարտահրավերի՝ կորոնավիրուսի համավարակի հետ ։ Եվ մենք պետք է արդյունավետ համակարգենք ջանքերը մեր քաղաքացիների կյանքն ու առողջությունը պաշտպանելու համար>, - ասել է Պուտինը։
Նա նաեւ նշել է, որ հետեւողականորեն զարգանում է նաեւ ծառայությունների միասնական շուկան. այն արդեն ներառում է 53 ոլորտ, իսկ ընթացիկ տարում կընդգրկի եւս հինգ ուղղություն:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
