Արմինֆո. ԵԱՏՄ շրջանակներում միասնական արժույթի ներդրումը տվյալ պահին բացասական ազդեցություն կունենար անդամ երկրների ՀՆԱ-ի վրա։ Այդ մասին հայտարարել է Եվրասիական զարգացման բանկի և Կայունացման և զարգացման եվրասիական հիմնադրամի գլխավոր տնտեսագետ Եվգենի Վինոկուրովը՝ "ԵԱՏՄ ազգային արժույթների դերի բարձրացում միջազգային հաշվարկներում" խորագրով շնորհանդեսի ժամանակ: Իր կարծիքը փորձագետը պայմանավորել է միավորման անդամ երկրների համար միասնական արժույթի թեմայով ավելի վաղ անցկացված հետազոտության արդյունքներով:
"Երկարաժամկետ հեռանկարում կարելի է վերադառնալ այդ հարցին, երբ կիրականացվեն մի քանի պայմաններ", - ասել է նա: Այս համատեքստում Վինոկուրովը մատնանշել է ներքին կայունության բարձրացումը, փոխադարձ ներդրումների աճը, առեւտրի ծավալները, արժութային շուկաների կարգավորման միասնականացումը, դրամավարկային քաղաքականության մոտեցումների համակարգումը եւ այլն:
"Երբ առաջընթաց գրանցվի ԵԱՏՄ շրջանակներում, այն ժամանակ էլ հնարավոր կլինի վերադառնալ միասնական արժույթի թեմային", - ամփոփել է տնտեսագետը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |