Վահան Քերոբյան. Թուրքիայից ներմուծման արգելքից հետո հայկական տեքստիլն իրեն սկսել է ավելի լավ  զգալ

Արմինֆո.  Եվս առնվազն 6 ամսով պետք է երկարաձգել թուրքական արտադրության ապրանքների ներմուծման արգելքը։ Այդպիսի կարծիք է հայտնել էկոնոմիկայի նախարար Վահան Քերոբյանը։  Նրա համոզմամբ, որպես կանոն, 6 ամիսը քիչ է արտադրություն հիմնելու եւ շուկայում ամրապնդվելու համար: "Որպես բիզնեսի շահերը պաշտպանող կառույց ՝ մենք նպատակահարմար ենք գտնում թուրքական ներմուծման սահմանափակումների ժամկետը լրանալուց հետո այն ևս 6 ամսով երկարացնել", - ընդգծել է նա։

Էկոնոմիկայի նախարարության հաղորդման համաձայն, թուրքական ապրանքների ներմուծման արգելքի սահմանման պահից երկու ամսվա ընթացքում հայ արտադրողները կարողացել են լրացնել ներքին շուկայում ստեղծված բացը: Նշվել է, որ պետությունը հայրենական արտադրողներին պաշտպանելու նպատակով մտադիր է ներդնել նաեւ աջակցության նոր գործիքներ։ Այս համատեքստում Քերոբյանն ասել է, որ Հայաստանի տեքստիլ ոլորտը, թուրքական ապրանքների նկատմամբ պատժամիջոցների սահմանումից հետո սկսել է իրեն ավելի լավ զգալ ։ "Նույնիսկ մանր մանրածախ ցանցերը, որոնք զբաղվում էին Թուրքիայից ապրանքների իրացմամբ, զարմացած են, որ Հայաստանում ավելի բարձր որակի եւ ավելի շահավետ գներով այլընտրանք կա", - ընդգծել Է պաշտոնյան:

Ընդ որում, նա պատմել է, որ թուրքական ներմուծման արգելքն ամենից շատ ազդել է լոլիկի եւ շինանյութի շուկայի վրա։ Այդ տեսանկյունից՝ Քերոբյանը նշել է, որ սահմանափակումների սահմանմամբ պարզ է դարձել, որ ջերմատների կառուցման համար պետության կողմից ցուցաբերվող ֆինանսական աջակցությունը լիովին արդարացել է։ "Անթալիայից Հայաստան ներկրվող լոլիկը գնային առավելություն ուներ ՝ էլեկտրաէներգիայի ավելի քիչ ծախսերի պատճառով։ Այսօր տեղական արտադրությունն ավելի թանկ է, բայց ես վստահ եմ, որ արտադրության ծավալների ավելացումը կհանգեցնի գների նվազման", -

հավաստիացրել է նա։

Դրա հետ մեկտեղ, էկոնոմիկայի նախարարը խոստովանել է, որ որոշակի դժվարություններ են ունենում այսօր շինանյութերի ներկրողները, սակայն, այդ խնդիրները լուծելի են, քանի որ Թուրքիայից Հայաստան ներկրվող շինանյութի խմբաքանակը կարելի է փոխարինել եվրասիական, իրանական, չինական շուկաների արտադրանքով։

Նշենք, որ ըստ վիճակագրության ՝ 2020 թվականին տեքստիլ արդյունաբերության արտադրության ծավալները 31.6% - ով նվազել են ՝ կազմելով 974.8 մլն դրամ ՝ 2019 թվականի 15.9% աճի դիմաց, երբ բացարձակ արտահայտությամբ այն ապահովել է 1.4 մլրդ դրամի արտադրության ծավալ: Սակայն արդեն հունվարին նկատվում են դրական միտումներ, արտադրության ծավալներն աճել են 11,1 տոկոսով ՝ կազմելով 178,8 մլն դրամ։

Հիշեցնենք, որ նախորդ տարվա սեպտեմբերին Հայաստանի վարչապետ Նիկոլ Փաշինյանը պատմել էր երկրի ջերմոցային տնտեսությունների որոշ ձեռքբերումների մասին ՝ կորոնավիրուսի համավարիակի ֆոնին ։ Մասնավորապես, իր Ֆեյսբուքյան էջում կառավարության ղեկավարը տեղեկացրել է, որ ս. թ. հունվար-հուլիս ամիսներին առավել արտահանվող ջերմոցային արտադրանքը լոլիկն է, որի արտահանման ծավալները 2020թ. հունվար-հուլիս ամիսներին աճել են 18.5% - ով ' կազմելով 23.5 մլն դոլար:

Ըստ ՀՀ մաքսային ծառայության տվյալների, 2020թ. առաջին կիսամյակում Հայաստանն արտահանել է 19.9 հազ. տոննա թարմ կամ սառեցված լոլիկ, ինչը 19.9%-ով բարձր է մեկ տարվա վաղեմության ցույցանիշից: Ընդ որում, մաքսային արժեքը աճել է 33.9% - ով ' կազմելով 21.7 մլն դոլար: Հայաստանը 62,3 տոկոսով կրճատել է լոլիկի ներկրումը, հասցնելով 1.3 հազար տոննայի՝ մաքսային արժեքի 26,8 տոկոսով, մինչեւ 1.5 մլն դոլար նվազմամբ: