Արմինֆո. Հայաստանի 1000 խոշոր հարկատուների ցուցակը 2021թ. առաջին եռամսյակի արդյունքներով, ինչպես եւ մեկ տարի առաջ, շարունակում է գլխավորել "Գազպրոմ Արմենիա" ընկերությունը, որը պետական գանձարան է վճարել 18.7 մլրդ դրամ (5.6% տարեկան աճով), որից 21.2 մլն դրամը ՝ մաքսատուրքերի գծով, 1.4 մլրդ դրամը՝ ուղղակի հարկերի գծով (այդ թվում ՝ շահութահարկ, եկամտահարկ), 16.9 մլրդ դրամը ՝ անուղղակի հարկերի գծով (այդ թվում ՝ ԱԱՀ, ակցիզային հարկ): Այս մասին են վկայում ՀՀ պետեկամուտների կոմիտեի հրապարակած տվյալները։
Առաջատարների հնգյակը հարկային գծով բյուջե է վճարել, ընդհանուր առմամբ, 51.4 մլրդ դրամ (տարեկան 10% աճով), որից 19.6 մլրդ դրամը ՝ ուղղակի հարկերի գծով (այդ թվում ՝ շահութահարկ, եկամտահարկ) ՝ տարեկան 3 անգամ աճով, իսկ 22.2 մլրդ դրամը ՝ անուղղակի հարկերի գծով (այդ թվում ՝ ԱԱՀ, ակցիզային հարկ) ՝ տարեկան 41.1% անկումով: Ընդհանուր առմամբ, Հայաստանի 1000 խոշոր հարկատուները 2021թ. առաջին եռամսյակում պետական բյուջե են վճարել 260.2 մլրդ դրամ' մեկ տարվա վաղեմության ցուցանիշը գերազանցելով 6% - ով:
Երկրորդ տեղն առաջին անգամ զբաղեցրել է պետական գերատեսչություն' ի դեմս ՀՀ պաշտպանության նախարարության աշխատակազմի, որը պետական գանձարան է վճարել ավելի քան 15 մլրդ դրամ, որից 12.7-ը' եկամտահարկի և 1.9 մլրդ դրամ ԱԱՀ-ի գծով:
Երրորդ տեղը 6-րդ տարին անընդմեջ զբաղեցրել է Զանգեզուրի պղնձամոլիբդենային կոմբինատը (ԶՊՄԿ) ՝ պետբյուջե վճարելով 9.7 մլրդ դրամ (2.7 անգամ տարեկան աճով), որից 396.6 մլն դրամը՝ մաքսատուրքերի գծով, 3.4 մլրդ դրամը ՝ ուղղակի հարկերի գծով (այդ թվում ՝ շահութահարկ, եկամտահարկ), 370.3 մլն դրամը ՝ անուղղակի հարկերի գծով (այդ թվում ՝ ԱԱՀ, ակցիզային հարկ)։
Չորրորդ տեղում է "Ինտերնեյշնլ Մասիս Տաբակ" ընկերությունը ՝ պետբյուջե վճարելով 5.4 մլրդ դրամ (24% տարեկան անկումով), որից 874.2 մլն դրամ ՝ մաքսատուրքերի գծով, 993.6 մլն դրամ ՝ ուղղակի հարկերի գծով (այդ թվում ՝ շահութահարկ, եկամտահարկ), 2.6 մլրդ դրամ ՝ անուղղակի հարկերի գծով (այդ թվում ՝ ԱԱՀ, ակցիզային հարկ)։
Առաջատարների հնգյակը եզրափակում է "Գեոպրոմայնինգ" ընկերությունը, որը մեկ տարի առաջ զբաղեցնում էր 11-րդ տեղը: Ընկերությունը պետական գանձարան վճարումներն ավելացրել է 37% - ով ՝ մինչև 3.7 մլրդ դրամ, որից 203.1 մլն դրամ մաքսատուրքերի գծով, ուղղակի հարկերի գծով՝ 1 մլրդ դրամ, իսկ անուղղակի հարկերի գծով ՝ 189.2 մլն դրամ:
Եթե հաշվի չառնենք TOP-5-ում առաջին անգամ Հայաստանի 1000 խոշորագույն հարկատուների ցանկում ընդգրկված պետական գերատեսչությունը (ՀՀ ՊՆ աշխատակազմ), ապա առաջին հնգյակում կմնար ՄՏՍ Հայաստան հեռահաղորդակցային ընկերությունը, որը 6-րդ տեղում է (նախորդ տարվա 5-րդի դիմաց) ։ Ընկերությունը պետական գանձարան վճարումները կրճատել է 10,2% - ով ՝ մինչև 3.5 մլրդ դրամ , որից մաքսատուրքերը՝ 2.9 մլն դրամ, ուղղակի հարկերը՝ 1.2 մլրդ դրամ, իսկ անուղղակի հարկերը՝ 1.5 մլրդ դրամ:
Դրանցից հետո առաջատար տասնյակում տեղ են գտել "Գրանդ Տոբակո" ՀՁ-ն (7-րդ տեղը՝ նախորդ տարվա 2-րդի դիմաց), "Ֆլեշը" (8-րդ տեղը՝ նախորդ տարվա 9-րդի դիմաց, "Ֆիլիպ Մորիս-Արմենիա" ՀՁ-ն (9-րդ տեղը՝ նախորդ տարվա 7-րդի դիմաց) եւ "Սի Փի Էս Օյլ Քորփորեյշն" (10-րդ տեղը՝ նախորդ տարվա 4-րդի դիմաց):
Նշենք, որ 2020թ. առաջին եռամսյակի արդյունքներով TOP-5-ում ընդգրկված էին "Գազպրոմ Արմենիա" ՓԲԸ-ն, "Գրանդ Տոբակո" ՀՁ-ն, Ինտերնեյշնլ Մասիս Տաբակը, Սի Փի Էս Օյլ Քորփորեյշն և ՄՏՍ Հայաստան ընկերությունը: Ընդհանուր առմամբ, բյուջե է փոխանցվել 46.7 մլրդ դրամ (11.5 տոկոս տարեկան աճով), որից 6.6 մլրդ դրամը՝ ուղղակի հարկերի գծով (այդ թվում ՝ շահութահարկ, եկամտահարկ) և 37.7 մլրդ դրամը՝ անուղղակի հարկերի գծովով (այդ թվում ՝ ԱԱՀ, ակցիզային հարկ)։