Էկոնոմիկայի նախարարը ՀՀ տնտեսության կտրուկ աճ է կանխատեսում  

Արմինֆո. Չնայած այն հանգամանքին, որ Հայաստանում 2021թ. հունվար-փետրվար ամիսներին տնտեսական ակտիվությունը 2020թ. հունվար-փետրվար ամիսների համեմատ նվազել է 6,7% - ով, էկոնոմիկայի նախարար Վահան Քերոբյանը Հայաստանի տնտեսության աճ է կանխատեսում՝ արդեն մարտին 7-7, 5% - ով: Այդ մասին նա հայտարարել է ապրիլի 22-ին լրագրողների հետ զրույցում։

Անդրադառնալով այն հայտարարությանը, թե ընթացիկ տարում Հայաստան զբոսաշրջային հոսքը կավելանա 319 տոկոսով, Քերոբյանը հայտարարել է, որ, եթե մինչև 2020 թվականի մարտ Հայաստան է ժամանել մոտ 375 հազար զբոսաշրջիկ, ապա այս տարի նախարարությունը նախատեսում է Հյաստանում ընդունել 1 մլն 200 հազար մարդ: "Եթե 1 մլն 200 - ը բաժանենք 375 հազարի, կստացվի իմ հնչեցրած թիվը", - պարզաբանել է նա։

Վիճակագրական տվյալների համաձայն՝ հունվար-փետրվար ամիսներին տարեկան ամենամեծ անկմամբ աչքի են ընկել ծառայությունների ոլորտն ու առեւտրի ոլորտը ՝ 12,5 տոկոս եւ 11,3 տոկոս, որոնց հետեւում են արդյունաբերությունը ՝ 7,9 տոկոս եւ էներգահամալիրը՝ 5,8 տոկոս, եւ միայն շինարարության ոլորտը կարողացել է պահպանել աճի տեմպերը, բայց տեմպերի մինչեւ 1 տոկոս դանդաղեցմամբ: Ագրեհատվածի վերաբերյալ տվյալները չեն հրապարակվել։ Մեկ տարի առաջ (2020թ.հունվար-փետրվար ամիսներին ՝ 2019թ. հունվար-փետրվար ամիսներիհամեմատ) աճ էին ցույց տվել բոլոր ոլորտները՝ էներգահամալիրը՝ 23,1%, արդյունաբերական հատվածը՝ 15,3%, ծառայությունների ոլորտը՝ 11,2%, առևտրի ոլորտը՝ 6,3%, շինարարության ոլորտը՝ 5,8% ։