Արմինֆո. ՀՀ կառավարությունը հուլիսի 22-ին բավարարել է ներմուծվող տեխնոլոգիական սարքավորումների, դրանց բաղկացուցիչ մասերի և համալրիչների, գերակա ոլորտում իրականացվող ներդրումային ծրագրի շրջանակներում ներկրված հումքի և նյութերի ներմուծման մաքսատուրքերից ազատելու մասին "ՎՈԼՎԵՐԻՆ Ե.Ա. Դ. Գ." ՍՊԸ-ի հայտը:
Փաստաթղթի վերաբերյալ տեղեկանք-հիմնավորման համաձայն ՝ ընկերության կողմից ներմուծվող հումքը կօգտագործվի պաշտպանիչ բալիստիկ սաղավարտներ, զրահաբաճկոններ, հատուկ հակաջերմային հանդերձանք, զենքի մասեր և այլն պատրաստելու համար:
Ներդրումային ծրագրի շրջանակներում արդեն ներդրվել է 137 մլն դրամ։ Եվս 2,3 մլրդ դրամ նախատեսվում է ներդնել հումքի և սարքավորումների ձեռք բերման համար։ Ներդրումային ծրագրի շրջանակներում նախատեսվում է ստեղծել 12-16 նոր աշխատատեղ՝ մինչև 304 հազար դրամ միջին աշխատավարձով։
Այն ապրանքների արժեքը, որոնց առնչությամբ արտոնություն է տրվում, կազմում է 2,3 մլրդ դրամ։ Մաքսատուրքից ազատման արտոնությունը կազմում է 135 մլն դրամ։
Նշենք, որ Հայաստանի իրավաբանական անձանց պետական ռեգիստրի համաձայն ՝ ընկերությունը գրանցվել է 2020 թվականի դեկտեմբերի 3-ին: Ընկերության սեփականատերերի մասին տեղեկատվությանը անվճար հասանելիություն չկա։ -
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |