Արմինֆո. Կառավարությունն այսօրվա նիստում բավարարել է «Տեքսաս փրոդաքշն» ՓԲԸ-ի ներկայացրած հայտը գերակա ոլորտում իրականացվող ներդրումային ծրագրի շրջանակում մաքսատուրքից ազատելու արտոնությունից օգտվելու վերաբերյալ:
Կառավարության մամուլի ծառայության հաղորդման համաձայն, ընկերությունը ներմուծվող ապրանքներն օգտագործելու է հագուստի արտադրության համար։ Ծրագրի շրջանակում նախատեսվում է իրականացնել 995.3 մլն դրամի ներդրում հումքի ձեռք բերման համար: Նախատեսվում է ներդրումային ծրագրի շրջանակում ստեղծել 20 նոր աշխատատեղ` 180,000 դրամ միջին աշխատավարձով։ Ընկերության շուկայավարման քաղաքականության հիմնական ուղվածությունն է՝ արտահանման ծավալներով առաջատար դիրք զբաղեցնել Հայաստանում. արտադրանքի 80 տոկոսը նախատեսում է արտահանել ՌԴ և ԵՄ, իսկ մնացած մասը իրացնել ՀՀ տարածքում: Արտոնություն ստանալու համար ներկայացված ապրանքների արժեքը կազմում է 994.1 մլն դրամ: Մաքսատուրքից ազատման արտոնությունը գնահատվում է 52 մլն դրամ:
«Տեքսաս փրոդաքշն» տրիկոտաժի ֆաբրիկան բացվել է 2017 թվականին եւ գործում է 2500 քմ մակերեսով երկու հարկերում, Երևան քաղաքում՝ 200 աշխատակիցներով և 80 մեքենաներով։ ՓԲԸ կայքում զետեղված տեղեկատվության համաձայն, ձեռնարկությունն արտադրում է տարեկան 400-500 տարբեր մոդելներ։ Սերտիֆիկացման ազգային մարմնի տեղեկատվության համաձայն ՝ ՓԲԸ-ն զբաղվում է բամբակյա մանվածքից, խառը մանվածքից, սինթետիկ մանվածքից, արհեստական մանվածքից, կտավատի մանվածքից, բնական մետաքսե թելերից, բրդե մանվածքից կանանց համար գուլպաաների արտադրությամբ:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |