Արմինֆո. ԵՄ երկրների հետ Հայաստանի արտաքին առեւտրային շրջանառությունը 2021թ. առաջին կիսամյակում հասել է 21% աճի (նախորդ տարվա 20.6% անկումից հետո)' կազմելով 713.6 մլն դոլար:
ԵՄ երկրների հետ Հայաստանի արտաքին առեւտրի բացասական սալդոն կազմել է 118.4 մլն դոլար' տարեկան 27.4% անկումով (2020թ.նույն ժամանակահատվածի 18% անկման դիմաց): Դա պայմանավորված էր արտահանման եւ ներմուծման տարեկան դինամիկայի բարելավմամբ՝ 21,6-20,1 տոկոս անկումից մինննչեւ 39,5-10,5 տոկոս աճ, որոնց բացարձակ մեծությունը I կիսամյակում կազմել է, համապատասխանաբար, 297,6 մլն դոլար եւ 416 մլն դոլար։ Այս մասին են վկայում ՀՀ վիճակագրական կոմիտեի վերջնական տվյալները։
Արդյունքում՝ ԵՄ երկրների հետ Հայաստանի առևտրաշրջանառության մասնաբաժինը արտաքին առևտրի ընդհանուր կառուցվածքում տարեկան կտրվածքով աճել է 18.8% - ից մինչև 20%:
ԵՄ երկրների հետ Հայաստանի առեւտրի կառուցվածքում ամենամեծ մասնաբաժինը պատկանում է Գերմանիային՝ 18,9 տոկոս կամ 135 մլն դոլար (տարեկան դինամիկայի բարելավմամբ ՝ 32,5 տոկոս անկումից մինչեւ 20,9 տոկոս աճ), Իտալիային՝ 17,7 տոկոս կամ 126,5 մլն դոլար (19,5 տոկոս անկումից մինչեւ 19,5 տոկոս աճ տարեկան դինամիկայով), Բուլղարիային՝ 16,1 տոկոս կամ 114,8 մլն դոլար (տարեկան թրենդի 7,6 անկումից մինչեւ 29,1 տոկոս աճ շրջադարձով), Նիդերլանդներին՝ 12,5 տոկոս կամ 89,1 մլն դոլար (26,7 տոկոս անկումից մինչեւ 21,9 տոկոս աճ տարեկան դինամիկայով), եւ Բելգիային՝ 6,7 տոկոս կամ 47,5 մլն դոլար (տարեկան թրենդի 48,1 տոկոս անկումից մինչեւ 74,2 տոկոս աճ շրջադարձով)։
Հայաստանի արտաքին առեւտրի բացասական սալդոն Գերմանիայի հետ կրճատվել է 9,6 տոկոսով ՝ մինչեւ 57,7 մլն դոլար, իսկ Իտալիայի հետ, ընդհակառակը, աճել է 3,4 տոկոսով ՝ մինչեւ 75 մլն դոլար: Բուլղարիայի հետ Հայաստանի արտաքին առեւտրի դրական սալդոն աճել է 29,2 տոկոսով՝ մինչեւ 96,3 մլն դոլար, Նիդերլանդների հետ՝ 20,4 տոկոսով՝ մինչեւ 53,2 մլն դոլար, Բելգիայի հետ՝ 3,6 անգամ՝ մինչեւ 2.9 մլն դոլար, եւ դրանցից զատ, ԵՄ առեեեւտրային գործընկեր երկրների շրջանում դրական ցուցանիշ են ցույց տվել Սլովակիան՝ 1.01 մլն դոլար (տարեկան կտրվածքով բացասական մակարդակից հասսնելով դրական մակարդակի):
Հայկական ապրանքների արտահանումը Գերմանիա տարեկան կտրվածքով աճել է 61,6 տոկոսով՝ մինչեւ 38,7 մլն դոլար, Գերմանիայից ապրանքների ներմուծման 9,8 տոկոսով՝ մինչեւ 96,4 մլն դոլար աճի դեպքում, մինչդեռ, մեկ տարի առաջ գրանցվել էր արտահանման 28,7 տոկոս եւ ներմուծման 33,6 տոկոս անկում: Հայկական ապրանքների արտահանումն Իտալիա աճել է 54,2 տոկոսով՝ մինչեւ 25,7 մլն դոլար, Իտալիայից ապրանքների ներմուծման 13 տոկոսով՝ մինչեւ 100,8 մլն դոլար աճի դեպքում, մինչդեռ մեկ տարի առաջ դիտվել է արտահանման 41,1 տոկոս եւ ներմուծման 13,5 տոկոս անկում: Հայկական ապրանքների արտահանումը Բուլղարիա աճել է 29,1 տոկոսով ՝ մինչեւ 105,5 մլն դոլար, Բուլղարիայից ապրանքների ներմուծման 29,9 տոկոսով՝ մինչեւ 9,3 մլն դոլար աճի դեպքում, մեկ տարի առաջ տարբեր ուղղվածության դինամիկայի դեպքում ՝ արտահանման 1,5 տոկոս աճը ուղեկցվել է ներմուծման 54,6 տոկոս ծանրակշիռ անկմամբ: Հայկական ապրանքների արտահանումը Նիդերլանդներ աճել է 21,4 տոկոսով՝ մինչեւ 71,1 մլն դոլար, Նիդերլանդներից ապրանքների ներմուծման 23,6 տոկոսով՝ մինչեւ 18 մլն դոլար աճի դեպքում, երկու դեպքում էլ նախորդ տարվա նվազման միտումի դեպքում՝ արտահանման 28,1 տոկոսով եւ ներմուծման 20 տոկոսով: Հայկական ապրանքների արտահանումը Բելգիա աճել է 79,3 տոկոսով ՝ մինչեւ 25,2 մլն դոլար, Բելգիայից ապրանքների ներմուծման 68,7 տոկոսով աճի դեպքում ՝ մինչեւ 22,3 մլն դոլար, այն դեպքում, երբ մեկ տարի առաջ զգալի անկում է գրանցվել երկու հոդվածներով ՝ 42,6 տոկոսով արտահանման եւ 52,9 տոկոսով ներմուծման առումով:
Հայկական ապրանքների արտահանման ծավալով ԵՄ երկրներից առաջատարը Բուլղարիան է, 2-րդ տեղում Նիդերլանդներն է, 3 - րդում ՝ Գերմանիան, 4-րդում ՝ Իտալիան, 5 - րդում ՝ Բելգիան ։ Իսկ ներմուծման ծավալով ԵՄ երկրների շարքում TOP-3-ում են մնացել Իտալիան, Գերմանիան եւ Ֆրանսիան, չորրորդ տեղում է Բելգիան, իսկ Նիդերլանդներն ու Բուլղարիան զբաղեցրել են 6-րդ եւ 11-րդ տեղերը: Հարկ է նշել, որ Ֆրանսիան չի կարողացել արտաքին առևտրաշրջանառության TOP-5-ում մնալ ՝ 6-րդ տեղ զբաղեցնելով միայն ծավալի աննշան պակասի պատճառով՝ այդպիսով զիջելով 5-րդ տեղը Բելգիային։
Ընդհանուր առմամբ, Հայաստանի արտաքին առեւտրային շրջանառությունը 2021թ. առաջին կիսամյակում կազմել է 3.6 մլրդ դոլար՝ տարեկան 13.4% աճով (նախորդ տարվա 10.7% անկման դիմաց): Մասնավորապես, արտահանման ծավալների 23,3 տոկոսով, մինչեւ 1.4 մլրդ դոլար աճն ուղեկցվել է ներմուծման 7,9 տոկոսով, մինչեւ 2.2 մլրդ դոլար աճով, մինչդեռ, մեկ տարի առաջ երկու հոդվածներն էլ անկում են ապրել՝ արտահանումը 6,5 տոկոսով եւ ներմուծումը ՝ 12,9 տոկոսով: Արդյունքում, Հայաստանի արտաքին առեւտրի բացասական սալդոյի տարեկան անկումը 20,1 տոկոսից նվազել է մինչեւ 11 տոկոս՝ 2021թ. առաջին կիսամյակում կազմելով 812.7 մլն դոլար:
