Երկուշաբթի, 16 Օգոստոսի 2021 17:18

Արմինֆո. 2021թ. առաջին կիսամյակի արդյունքներով Հայաստանի ապահովագրողների ապահովագրավճարների պորտֆելներում կորպորատիվ բաղադրիչը շարունակում է գերակշռել մանրածախին' 57% (15.1 մլրդ դրամ) եւ 43% (11.4 մլրդ դրամ)' գրեթե կրկնելով մեկ տարվա վաղեմության ցուցանիշները, համապատասխանաբար, 56.2% եւ 43.8%: Ըստ ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի, երկու ցուցանիշների բացարձակ մեծությունների տարեկան դինամիկան  7,4-8,5% անկումից հասել է 10,9-7,6% աճի:

 

2021թ. առաջին կիսամյակի արդյունքներով կորպորատիվ ապահովագրությունը գերակշռում է չորս ընկերությունների ապահովագրավճարների պորտֆելներում, իսկ մյուս երկուսում ("ՌԵՍՈ" և "Նաիրի Ինշուրանս" ընկերությունների) գերակշռում է մանրածախը: Կորպորատիվ եւ մանրածախ ապահովագրության միջեւ ամենամեծ տարբերությունը պահպանվում է "Ինգո Արմենիա"-ում՝ 68,2 տոկոս  մանրածախի 31,8 տոկոսի դիմաց, իսկ նվազագույն տարբերությունը "Ռոսգոսստրախ Արմենիա"-ում է՝ 55,1 տոկոս՝ մանրածախի 44,9 տոկոսի դիմաց: Իսկ երկու ապահովագրական ընկերություններից, որոնց մոտ գերակշռում է մանրածախ բաղադրիչը, մեծ տարբերությամբ աչքի է ընկնում "Ռեսո" – ն. 63,9%՝ կորպորատիվի  36,1%-ի դիմաց, իսկ բվազագույնով ՝ "Նաիրի Ինշուրանսը". 51,5%՝ կորպորատիվի 48,5%-ի դիմաց։ Մեկ տարի առաջ, 2020թ. առաջին կիսամյակում նույնպես ապահովագրավճարների կորպորատիվ պորտֆելի առավել գերակշռությամբ աչքի է ընկել ԻՆԳՈ Արմենիան (73,9%), իսկ գերիշխող մանրածախ բաղադրիչով միակը կրկին "ՌԵՍՈ"-ն էր (65,2%):

 

Ապահովագրական հատուցումների կառուցվածքում 2021թ. առաջին կիսամյակի արդյունքներով մանրածախ հաճախորդներին վճարումներին բաժին է ընկել 63,7% կամ 8,7 մլրդ դրամ, կորպորատիվ հաճախորդներին' 36,3% կամ 4,9 մլրդ դրամ' նախորդ տարվա, համապատասխանաբար,  68,2%-ի եւ 31,8%-ի դիմաց: Փոխհատուցումների տարեկան թրենդը, ինչպես եւ ապահովագրավճարների դեպքում, ծավալվել է անկումից դեպի աճ, ընդ որում կորպորատիվ բաղադրիչը հասել է ծանրակշիռ 37 տոկոսի, մինչդեռ, մանրածախ բաղադրիչը եղել է չափավոր՝ 12 տոկոս: Հաշվետու ժամանակաշրջանում հատուցումների պորտֆելում կորպորատիվ բաղադրիչով աչքի է ընկել միայն ԻՆԳՈ Արմենիան՝ 56,5%, իսկ մնացած հինգից, մանրածախի գերակշմամբ, առավելագույն մակարդակ է պահպանել "Ռոսգոսստրախ Արմենիան"՝ 86,3%, ինչը կրկնել է նախորդ տարվա պատկերը. միայն "ԻՆԳՈ Արմենիան" էր արձանագրել կորպորատիվի գերակշռում (53,1%),  եւ առավելագույն մանրածախ դոմինանտը կրկին Ռոսգոսստրախ Արմենիայում էր (93,9%):

 

Վերաապահովագրության համար թվարկված ապահոգրավճարների կառուցվածքում կորպորատիվ ապահովագրության մասնաբաժինը 2021թ.առաջին կիսամյակի արդյունքներով կազմել է 80,6% կամ 3.4 մլրդ դրամ (տարեկան դինամիկայի 28,4% անկումից մինչեւ 27% աճ շրջադարձով), իսկ մանրածախ ապահովագրության մասնաբաժինը' 19,4% կամ 823,7 մլն դրամ (տարեկան աճի արագացմամբ՝ 50,9% - ից մինչեւ 2 անգամ)' նախորդ տարվա 86,8% - ի եւ 13,2% - ի դիմաց: Կորպորատիվ բաղադրիչի ամենամեծ դոմինանտը գրանցվել է "Ռոսգոսստրախ Արմենիա" - ի մոտ ՝ 94,5% ՝ մանրածախ 5,5% - ի դիմաց, իսկ "Սիլ Ինշուրանս" - ի մոտ՝ 70,4% ՝ մանրածախ 29,6% - ի դիմաց: Մեկ տարի առաջ կորպորատիվ եւ մանրածախ բաղադրիչների ամենամեծ տարբերությամբ աչքի էր ընկել "Արմենիա ինշուրանս" ԱԸ-ը՝ 97,7%՝ 2,3% - ի դիմաց, իսկ նվազագույնովա՝ "ՌԵՍՈ" ԱԸ-ը ՝ 74,6% ՝ 25,4% - ի դիմաց։

 

Հայաստանի ապահովագրողները 2021 թվականի II եռամսյակում կնքել են 346 392 պայմանագիր, ինչը մեկ տարվա վաղեմության պայմանագրերի քանակից ավելի է 9,7 տոկոսով (նախորդ տարվա 24,4 տոկոս անկման դիմաց): Այսպիսով, 2021թ.հուլիսի 1-ի դրությամբ գործող ապահովագրական պայմանագրերի քանակը կազմել է 910 177 ' տարեկան անկումը դանդաղեցնելով մինչեւ 3,8% (նախորդ տարվա 4,4% - ից): Դասերի շարքում կնքված պայմանագրերի քանակով առաջատարի դիրքը պահպանում է ԱՊՊԱ-ն ՝ երկրորդ եռամսյակում ավելի քան 226,2 հազար, որի գործող պայմանագրերի թիվը հուլիսի 1-ին գերազանցել է 507,3 հազարը: Իսկ ապահովագրության կամավոր տեսակներից ամենապահանջվածը դժբախտ պատահարներից ապահովագրությունն է, որի գծով II եռամսյակում կնքվել է 69,9 հազար պայմանագիր, իսկ հուլիսի 1 - ի դրությամբ գործող պայմանագրերի թիվը գերազանցել է 218,5 հազարը: Ըստ պահանջվածության հաջորդ դիրքը, դատելով հուլիսի 1-ի դրությամբ գործող պայմանագրերի թվից, պահպանում է բուժապահովագրությունը՝ 66,6 հազար, բայց երկրորդ եռամսյակում կնքված պայմանագրերի քանակով երրորդ տեղում է գույքի ապահովագրությունը (հրդեհներից, տարերային աղետներից եւ այլն)՝ 17,3 հազար, հուլիսի 1-ի դրությամբ գործող պայմանագրերի թիիվը գերազանցել է59,5 հազարը:

 

Մինչեւ հուլիսի 1 - ը ԱՊՊԱ հատվածում գործող պայմանագրերի քանակով առաջատարը "Ռոսգոսստրախ Արմենիա" - ն է ՝ 153,3 հազար (որից 65,7 հազարը կնքվել է II եռամսյակում): Իսկ դժբախտ պատահարներից ապահովագրության եւ գույքի ապահովագրության հատվածներում պայմանագրերի թվով առաջատարը ԻՆԳՈ Արմենիան է, մինչեւ հուլիսի 1-ը, համապատասխանաբար,  հաշվվում է 92 հազար եւ 29,8 հազար գործող պայմանագիր (որից 39,1 հազարը եւ 9,3 հազարը կնքվել են II եռամսյակում): ԻՆԳՈ Արմենիան աառաջատար է նաև ԿԱՍԿՈ պայմանագրերի քանակով (հուլիսի 1-ի դրությամբ գործող 5,8 հազար պայմանագրերը, որոնցից 2,4 հազարը կնքվել են II եռամսյակում): Արտասահման մեկնողների ապահովագրության գծով առավել մեծ թվով պայմանագրերով շարունակում է աչքի ընկնել "ԻՆԳՈ Արմենիան", որը հուլիսի 1-ի դրությամբ ունի 1,8 հազար գործող պայմանագրեր, սակայն միայն 2-րդ եռամսյակում կնքված պայմանագրերի թիվը գերազանցում է 4,6 հազարը:

 

Երկրորդ եռամսյակում կնքված պայմանագրերի քանակով առաջին տեղը զբաղեցրել է "ԻՆԳՈ Արմենիան"՝ 95,1 հազար, երկրորդ դիրք մղելով "Ռոսգոսստրախ Արմենիա"-ին՝ 93,5 հազար, իսկ հաջորդ չորս դիրքերում մնացել են. երրորդում ՝ "Նաիրի Ինշուրանսը"՝ 60,2 հազար, չորրորդում ՝ "ՌԵՍՈ" - ն ՝ 42,7 հազար, հինգերորդում ՝ "Սիլ Ինշուրանսը"՝ 29,2 հազար, իսկ վեցերորդում ՝ "Արմենիա Ինշուրանսը"՝ 25,6 հազար: Բոլոր վեց ընկերությունների պայմանագրերի գերակշռով մասը ԱՊՊԱ գծով են՝ առավելագույնը "Արմենիա Ինշուրանս"-ում (88%), եւ նվազագույնը "Ինգո Արմենիա" - ում (39%):

 

Միջազգային հաղորդակցության ուղիների բացումից եւ զբոսաշրջության վերսկսումից հետո՝ հաշվետու եռամսյակում կնքված զբոսաշրջության ապահովագրական պայմանագրերի դինամիկան ծանրակշիռ աճ է արձանագրել՝ 4 անգամ (մեկ տարի առաջ շոշափելի 87,7 տոկոս անկումից հետո), բայց նույն դասով դեռեւս պահպանվում է հուլիսի 1-ի դրությամբ գործող պայմանագրերի թվի ամենամեծ անկումը (տեմպերի արագացմամբ ՝ 29 տոկոսից մինչեւ 58,9 տոկոս): Եռամսյակի ընթացքում կնքված պայմանագրերի աճի ուղղությամբ շրջադարձ է արձանագրվել նաև բեռնափոխադրումների ապահովագրման գծով ՝ 24,4%-ով (մեկ տարի առաջվա 35,3% - ից), հաշվետու ամսաթվի դրությամբ գործող պայմանագրերի դինամիկայի նույն փոփոխության դեպքում ՝ 18,5%-ով (մեկ տարի առաջ 33,5% անկումից): Ավելացել են նաեւ եռամսյակի ընթացքում կնքված ԱՊՊԱ եւ ԿԱՍԿՈ պայմանագրերը (6,5-75,9%-ով ՝ նախորդ տարվա 23,6-25% անկումից), սակայն հաշվետու ամսաթվի դրությամբ գործող պայմանագրերի թվով դրական դինամիկայի է դուրս եկել ԿԱՍԿՈ-ն (30,9%), իսկ գործող ԱՊՊԱ պայմանագրերը պահպանել են անկումը (2,4% - ով):

 

Հիշեցնենք, որ Հայաստանի ապահովագրական շուկայում գործում է 20 դասից 17-ով աշխատող 6 ընկերություն, բացառությամբ երկաթուղային տրանսպորտի ապահովագրության, երկաթուղային տրանսպորտի օգտագործումից բխող պատասխանատվության, դատական եւ արտադատական ծախսերի ապահովագրության: 2019թ. - ից պորտֆելի վերաբերյալ հաշվետվությունում ՀՀ ԿԲ պահանջով ավելացվել է տող սեյսմիկ ռիսկերի ապահովագրություն (երկրաշարժերից), իսկ 2020թ. II եռամսյակից ավելացվել է տող գյուղատնտեսական ռիսկերի ապահովագրություն (ագրոապահովագրություն), որոնց վերաբերյալ տվյալները հանրագումարում հաշվի չեն առնվում, քանի որ արդեն ներառված են ապահովագրության համապատասխան դասերում: Դասերի առավել թվով լիցենզավորված են "ԻՆԳՈ Արմենիան"՝ 16 (ջրային տրանսպորտի ապահովագրության դասով աշխատող միակ ԱԸ) և "Ռոսգոսստրախ Արմենիան"՝ 15։ (Դրամի հաշվարկային փոխարժեքը դոլարի նկատմամբ 30.06.21 կազմել է 495,86 դրամ/$1):