Արմինֆո. ԱԺ բյուջետային գրասենյակի օպերատիվ տեղեկատվության համաձայն, 2021թ. սեպտեմբերի 10-ի դրությամբ ՀՀ պետական բյուջեի հարկային եկամուտները և պետական տուրքերը կազմել են 1 տրիլիոն 2․3 մլրդ դրամ կամ 2021թ․ ինն ամիսների նախապես հաստատված ցուցանիշի 96․8%-ը, իսկ նույն ժամանակահատվածի 2020թ․ ցուցանիշը գերազանցել են 11.1 %-ով կամ 99.8 մլրդ դրամով, 2019 թվականինը՝ 4.9 %-ով կամ 46.5 մլրդ դրամով, իսկ 2018 թվականինը՝ 27.7 %-ով կամ 217.5 մլրդ դրամով:
Նշենք, որ 2021 թվականի վերանայված պետական բյուջեի համաձայն ՝ հարկերի գծով նախատեսվում է հավաքել 1 տրլն 524 մլրդ դրամ ՝ "2021 թվականի պետական բյուջեի մասին" օրենքում ամրագրված 1 տրլն 440 մլրդ 136 մլն 839.5 հազար դրամի դիմաց ։ Սակայն, ինչպես ս. թ. սեպտեմբերի սկզբին հայտարարել են Պետեկամուտների կոմիտեում, հավանականություն կա, որ հնարավոր կլինի ոչ միայն ապահովել վերանայված ՝ մոտ 85 մլրդ դրամով ավելացած ծրագրային ցուցանիշը ՝ հարկային վճարների մասով, այլ, նույնիսկ, գերակատարել այն։
