Արմինֆո.Համաշխարհային բանկը (ՀԲ) հրապարակել է Groundswell ("Իններորդ ալիք") նորացված զեկույցը "Ներքին "կլիմայական" միգրացիայի նկատմամբ գործողությունները" (Մաս II), որում ասվում է, որ մինչեւ 2050 թվականը կլիմայի փոփոխությունը, որն ավելի ու ավելի հզոր շարժիչ ուժ է դառնում միգրացիայի համար, կարող է 216 մլն մարդու ստիպել աշխարհի վեց տարածաշրջաններում վերաբնակվել իրենց երկրների այլ շրջաններում:
Սակայն զեկույցից նաեւ երեւում է, որ գլոբալ արտանետումների կրճատման եւ էկոլոգիական, ներառական եւ կայուն զարգացման աջակցության համաձայնեցված միջոցառումների անհապաղ ընդունումը կարող է 80 տոկոսով կրճատել "կլիմայական" միգրացիայի մասշտաբները:
Ներքին "կլիմայական" միգրացիայի օջախները կարող են ձեւավորվել շատ շուտով ՝ արդեն 2030 թվականին, իսկ 2050 թվականին մոտենալուն զուգընթաց այդ գործընթացի մասշտաբների եւ ինտենսիվության աճը կշարունակվի:
Կլիմայի փոփոխությունը ներքին միգրացիայի հզոր շարժիչ ուժ է, քանի որ այն ազդում է բնակչության եկամուտների աղբյուրների վրա եւ կտրուկ վատթարացնում է կյանքի որակը այն շրջաններում, որոնք առավել ենթակա են դրա ազդեցությանը: Մինչեւ 2050 թվականը ներքին "կլիմայական" միգրանտների թվաքանակը Սահարայից հարավ ընկած Աֆրիկայի երկրներում կարող է հասնել 85,7 միլիոնի (բնակչության ամբողջ թվաքանակի 4.2 տոկոս), Արեւելյան Ասիայում եւ Խաղաղօվկիանոսյան տարածաշրջանում՝ 48,4 միլիոնի (2,5 տոկոս), Հարավային Ասիայում՝ 40,5 միլիոնի (1.8 տոկոս), Հյուսիսային Աֆրիկայում՝ 19,3 միլիոնի (9 տոկոս), Լատինական Ամերիկայում՝ 17,1 միլիոնի (2,6 տոկոս), իսկ Արեւելյան Եվրոպայում եւ Կենտրոնական Ասիայում՝ 5,1 միլիոնի (ողջ բնակչության թվի 2,3%):
"Իններորդ ալիք" զեկույցը սթափեցնող հիշեցում է այն տառապանքների եւ զոհերի մասին, որոնք կրում է կլիմայի փոփոխությունը, հատկապես, մոլորակի բնակչության ամենաաղքատ շերտերի, նրանց համար, ում դերն այդ երեւույթի պատճառների առաջացման գործում նվազագույնն է: Ընդ որում, զեկույցում հստակ նկարագրված է այն ճանապարհը, որով պետք է ընթանան երկրները, որպեսզի չեզոքացնեն կլիմայական միգրացիային նպաստող որոշ առանցքային գործոններ, - նշել է ՀԲ կայուն զարգացման հարցերով փոխնախագահ Յուրգեն Ֆեգելեն: - Այս բոլոր խնդիրները հիմնարար կերպով փոխկապակցված են, եւ հենց այդ պատճառով այն աջակցությունը, որ մենք տրամադրում ենք երկրներին, ուղղված է կլիմայի եւ զարգացման խնդիրների համալիր լուծմանը եւ, միեւնույն ժամանակ, ավելի հաստատուն, անվտանգ եւ կայուն ապագայի կառուցմանը":
ՀԲ թարմացված զեկույցը պարունակում է կանխատեսումներ և վերլուծություն երեք տարածաշրջանների համար. Արեւելյան Ասիա եւ Խաղաղօվկիանոսյան տարածաշրջան, Հյուսիսային Աֆրիկա, ինչպես նաեւ Արեւելյան Եվրոպա եւ Կենտրոնական Ասիա: Այն հենվում է նորարարական, իր տեսակի մեջ առաջին մոդելավորման մեթոդիկայի վրա, որն օգտագործվել է ՀԲ-ի "Իններորդ ալիք" (2018թ.) նախորդ զեկույցում ։
Զեկույցում կիրառվել է սցենարների հիման վրա մոտեցում, որը թույլ է տալիս հետազոտել ապագայում իրադարձությունների զարգացման հնարավոր արդյունքները, ինչը կարող է օգնել դիրեկտիվ մարմիններին հեռանկարային ծրագրերի մշակման գործում: Այս մոտեցումը թույլ է տալիս երկրի ներսում բացահայտել "կլիմայական" միգրանտների արտահոսքի եւ ներհոսքի" օջախները", մասնավորապես, այն շրջանները, որոնցից մարդիկ, ինչպես սպասվում է, կհեռանան ջրի աճող դեֆիցիտի, գյուղատնտեսական մշակաբույսերի բերքատվության նվազման եւ ծովի մակարդակի բարձրացման պատճառով, ինչպես նաեւ քաղաքային եւ գյուղական շրջանները, որտեղ պայմաններն ավելի բարենպաստ են նոր կյանք սկսելու համար:
Զեկույցում ձևակերպվել են ռազմավարական բնույթի մի շարք հանձնարարականներ, որոնք կարող են օգնել մեղմել կլիմայական միգրացիան խթանող գործոնների ազդեցությունը և պատրաստվել սպասվող միգրացիոն հոսքերին:
ՀԲ-ի կողմից առաջարկվող հանձնարարականներից մի քանիսը հետեւյալն են.
- կրճատել արտանետումները համաշխարհային մասշտաբով եւ անել հնարավոր ամեն ինչ ջերմաստիճանի վերաբերյալ Փարիզյան համաձայնագրի նպատակներին հասնելու համար;
- ապահովել ներքին կլիմայական միգրացիայի գործոնի հաշվառումը էկոլոգիական, կայուն եւ ներառական զարգացման հեռանկարային պլանավորման ժամանակ;
- նախապատրաստվել միգրացիայի յուրաքանչյուր փուլին, որպեսզի ներքին "կլիմայական" միգրացիան կարողանա դառնալ հարմարվողականության ռազմավարություններից մեկը եւ դրական արդյունքներ բերի զարգացման բնագավառում;
- միջոցներ ներդնել ներքին "կլիմայական" միգրացիայի շարժիչ ուժերի էության խորքային ուսումնասիրության գործում' քաղաքականության հասցեական միջոցառումների մտածված մշակման համար: