Արմինֆո.Իրան-Հայաստան առեւտրի համատեղ պալատի ղեկավար Էրվիկ Յարիջանյանը ILNA-ին հաղորդել է, որ Իրանից Հայաստան արտահանման ծավալն զգալիորեն աճել է, սակայն Հայաստանի իշխանությունները ավելացրել են երկիր արտահանման ծախսերը, ինչը կարող է բացասաբար ազդել առեւտրի վրա: Այդ մասին հաղորդում է իրանական IRNA գործակալությունը։
Յարիջանյանի ասելով, Հայաստանը սահմանային կետ է տեղադրել Իրանի հետ սահմանին ՝ յուրաքանչյուր բեռնատարից ավելի քան 130 դոլար գանձելու համար։
Ամռանն Իրանից վառելիքի ներկրումն անսպասելիորեն ավելացել է, ասել է Յարիջանյանը, նշելով, որ Հայաստանի եւ Ադրբեջանի միջեւ պատերազմից հետո Թուրքիայից վառելիքի ներկրման դադարեցումը հանգեցրել է Հայաստան իրանական արտահանման կտրուկ ավելացման։ Նա նշել է, որ Հայաստանն Իրանից շատ հումք եւ շինանյութ է ներկրում՝ կոչ անելով ընդլայնել առեւտրական կապերը երկու բարեկամ երկրների միջեւ։
Պաշտոնյայի հավաստմամբ, կողմերը որոշակի ջանքեր են գործադրում բանկային գործունեության համակարգումը բարելավելու համար։ Երկու երկրների մասնավոր հատվածն առանցքային դեր է խաղացել տնտեսական հարաբերությունների զարգացման գործում։
Իրանի մաքսատան ներկայացուցիչ Ռուհոլլա Լատիֆին օգոստոսի 27-ին հայտարարել էր, որ Իրան-Հայաստան սահմանին արգելափակված անցումը վերսկսել է իր գործունեությունը:
Հայաստանի Մեղրիի մաքսային կենտրոնից ստացված տեղեկատվության և Հայաստանից Իրան մեկնող վարորդների հայտարարությունների համաձայն, գլխավոր ճանապարհը կրկին բացվել է, և Կապան քաղաքից երկու կողմերում արգելափակված ավտոմեքենաները ստացել են երթևեկության թույլտվություն:
Մեղրիի մաքսային կենտրոնը հայտարարել է, որ պատրաստ է վերսկսել բեռնատարների եւ ավտոբուսների ընդունումը, որոնք ուղեւորվում են Հայաստանում նշանակման կետեր:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |