Արմինֆո.ՀՀ էկոնոմիկայի նախարարության «Գյուղատնտեսական հետազոտությունների և հավաստագրման կենտրոն» ՊՈԱԿ-ի տնօրեն Դավիթ Բաբայանը, նախարարության առաջնային արտադրանքի վարչության պետ Լևոն Տեր-Իսահակյանը, Հայաստանի ազգային ագրարային համալսարանի ռեկտոր Վարդան Ուռուտյանը և Ավստրիական զարգացման գործակալության ծրագրի ղեկավար Պասկալ Բոկկերսը հանդիպում են ունեցել Հայաստանի Հանրապետությունում Սլովակիայի դեսպան պարոն Միրոսլավ Հացեկի հետ:
ՀՀ էկոնոմիկայի նախարարության մամուլի ծառայության հաղորդման համաձայն, հանդիպման ընթացքում քննարկվել են հետագա համագործակցության հնարավորությունները: Դեսպան Հացեկը բարձր է գնահատել կատարվող աշխատանքները և պատրաստակամություն հայտնել աջակցել գյուղատնտեսության ոլորտում երկկողմ համագործակցությանը:
Դավիթ Բաբայանը հույս է հայտնել, որ Սլովակիայի գյուղատնտեսական համալսարանի, Սլովակիայի գյուղատնտեսության և գյուղի զարգացման նախարարության, ինչպես նաև գենետիկական կենտրոնի և Գյուղատնտեսական հետազոտությունների և թեստավորման կենտրոն այցերից և քննարկումներից հետո հնարավորություն կընձեռվի ներկայացնել գիտական, կրթական և գյուղատնտեսությանը վերաբերող նոր ծրագրեր, որոնց իրականացումը երկուստեք պետությունների համար կհանդիսանա շահավետ: Հանդիպման մյուս մասնակիցները նույնպես բարձր են գնահատել կատարվող աշխատանքները:
Հայաստանի Հանրապետությունում Սլովակիայի դեսպանատան և Ավստրիական զարգացման գործակալության հետ տեղի ունեցած քննարկումների և աշխատանքների շրջանակներում հնարավորություն է առաջացել իրականացնել այց Սլովակիայի հանրապետություն, ծանոթանալու գյուղատնտեսության ոլորտում տեղի ունեցող աշխատանքներին, ինչպես նաև հետագա համագործակցության հնարավորություններին:
Նշենք, որ ՀՀ վիճակագրական կոմիտեի տվյալներով, Հայաստանի եւ Սլովակիայի միջեւ առեւտրաշրջանառությունը 2021 թվականի հունվար-հուլիսին աճել է 85,3 տոկոսով' կազմելով 12,7 մլն դոլար: Ընդ որում արտահանումն աճել է 8,2 անգամ՝ մինչեւ 6,5 մլն դոլար՝ ներմուծման 2,6 տոկոսով, մինչեւ 6,2 մլն դոլար աճի դեպքում:
RUB | 4.26 | 0.00 |
USD | 387.73 | -0.19 |
EUR | 417.55 | -0.28 |
GBP | 486.33 | -1.48 |
CAD | 283.43 | -0.24 |
JPY | 25.10 | -0.12 |
CNY | 53.72 | -0.10 |
CHF | 427.39 | -0.92 |