Արմինֆո.ՓԲԸ-ի (HSBC Հայաստան) «Պատասխանատու ֆինանսական վարքագծի խթանում և բիզնես ակտիվության մեկնարկ գյուղական համայնքներում» համատեղ ծրագիրը հոկտեմբերի 1-ին ներկայացրել է արդյունքները։ Ամփոփիչ միջոցառումը տեղի է ունեցել Տավուշի մարզպետարանում, որին մասնակցել են ծրագրի պատասխանատուներն ու Տավուշի մարզի մասնակից 4 գյուղական համայնքների ներկայացուցիչները։
Ավելի քան 15 միլիոն ՀՀ դրամ է հատկացվել ծրագրին, որը մեկնարկել է 2020-ին՝ նպատակ ունենալով բարձրացնել ֆինանսական գրագիտության մակարդակը 140 ֆերմերների և երիտասարդների շրջանում։ Ծրագիրն օգնել է նրանց գրագետ և կայուն ֆինանսական որոշումներ կայացնել, զարգացնել իրենց ձեռնարկատիրական գիտելիքներն ու հմտությունները։
Ծրագրի շրջանակներում դրամաշնորհներ են տրամադրվել 30 բիզնես գաղափարների իրականացման համար՝ Տավուշի մարզում ձեռնարկատիրական գործունեություն սկսելու նպատակով։ Միջոցառման ընթացքում իրենց բիզնես գաղափարներն են ներկայացրել նաև Տավուշի մարզի Վերին Ծաղկավան համայնքի 11 ներկայացուցիչները։ Ընտրության արդյունքում դրանցից 6-ը կյանքի կոչվելու հնարավորություն է ստացել։
«Վստահ ենք, որ հատկացված համեստ դրամաշնորհներով մենք ոչ միայն ձեռնարկատիրական աջակցություն ենք տրամադրում ընտրված ընտանիքներին, այլ նաև նպաստում տվյալ գյուղերի կայուն զարգացմանը», - նշել է ՀՕՖ-ի տնտեսական զարգացման ծրագրերի ղեկավար Էրիկ Բաղդասարյանը՝ ներկայացնելով ծրագրի արդյունքներն ու շեշտելով նման ծրագրերի կարևորությունը սահմանամերձ համայնքների երկարաժամկետ սոցիալ-տնտեսական զարգացման ու բարգավաճման համար։
HSBC Հայաստանի հանրային ծրագրերի համակարգող Նորա Նազարյանը նշել է․ «Հայաստանում իր գործունեության մեկնարկից ի վեր HSBC Հայաստանն իրականացնում է համայնքային զարգացման բազմաթիվ ծրագրեր բանկի` ֆինանսական գրագիտության և ձեռնարկատիրական հմտությունների խթանմանն ուղղված ռազմավարության շրջանակներում: Չնայած նրան, որ այս ծրագրի նախապատրաստական, ինչպես նաև իրականացման որոշ փուլեր խոչընդոտվել էին ՔՈՎԻԴ-19 համավարակի և աշխարհաքաղաքական լարվածության պատճառով, մենք գործադրել ենք բոլոր հնարավոր ջանքերը, որպեսզի ծրագիրն իրականացվի իր նպատակներին համապատասխան և դրականորեն ազդի համայնքի բնակիչների կյանքի որակի վրա՝ ընձեռելով նոր հնարավորություններ և հույս բերելով բնակչության առավել կարիքավոր խմբերին:
Այսպիսով չափազանց հպարտ եմ իրականացված աշխատանքով»:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%