Հինգշաբթի, 28 Հոկտեմբերի 2021 19:40

Արմինֆո.Թվայնացումը ինքնանպատակ չէ Ամերիաբանկի համար ։ Այս գործընթացի վերջնական նպատակն է ստեղծել տարբեր խողովակներով բանկային հաճախորդների սպասարկման այլընտրանքներ: Այդ մասին մամուլի ասուլիսի ժամանակ ասել է Ամերիաբանկի մանրածախ բանքինգի տնօրեն Արման Բարսեղյանը՝ պատասխանելով ԱրմԻնֆո-ի թղթակցի հարցին:

 

Նրա ասելով, պարտադիր չէ, որ թվայնացումը հանգեցնի մասնաճյուղերի փակման ։ "Մասնաճյուղերը կարող են փակվել, երբ հաճախորդները թվային տրանսֆորմացիայի արդյունքում բանկ այցելելու անհրաժեշտություն չեն տեսնի։ Բնական է, որ առանց իմաստ մասնաճյուղ ոչ ոք չի պահի։ Բայց նման գործընթացներ մեր բանկի պարագայում դեռ չեն տեղի ունենում", - պարզաբանել է Ա.Բարսեղյանը ։

 

Ի լրումն ասվածի, նա նշել է, որ Բանկն իր առջեւ խնդիր չի դնում փակել իր բաժանմունքները, հատկապես այն պայմաններում, երբ հաճախորդների բազան աճում է, միջին հաշվով, վերջին 3 տարում հաճախորդների տարեկան աճը կազմել է 60-70 հազար: Ավելին, մանրածախ բանկինգի ղեկավարը ուշադրություն է հրավիրել այն հանգամանքի վրա, որ այս տարի Ամերիաբանկը բացել է 4 նոր մասնաճյուղ: Եվ դա այն դեպքում, երբ ծառայությունների 93% - ը Բանկի հաճախորդները ստանում են արդեն թվային տարածքում։

 

Ա.Բարսեղյանն ընդգծել է. "Սխալ է այն տտպավորությունը, որ թվայնացմանը զուգընթաց մարդիկ դառնում են ավելորդ, կամ նրանց դերը նվազում է։ Իրականությունն այն է, որ տեխնոլոգիական և թվային գործընթացներում մարդու դերն աճում է" ։

 

Այս առնչությամբ Ամերիաբանկի նորարարությունների և թվայնացման գծով տնօրեն Արտյոմ Շամցյանը հավելել է, որ գործընթացների ավտոմատացումը, անշուշտ, կողմնակի ազդեցություն ունի, երբ մարդիկ ազատվում են աշխատանքից: "Սակայն, Ունենալով բանկային գործունեության փորձ, մենք հնարավորություն ունենք վերապատրաստել անձնակազմին", - նկատել է նա: Այդ համատեքստում նա նշել է, որ այսօր կա բիզնես-վերլուծաբանների, նախագծի մենեջերների, ապրանքի մենեջերների, ճարտարապետների և այլնի սուր պակաս ՝ "Թվայնացմանը զոըգընթաց այսօր բազմաթիվ հնարավորություններ են բացվում մարդկանց առջեւ", - նշել է նա։

 

Իր հերթին, Ամերիաբանկի տնօրինության նախագահ - գլխավոր տնօրեն Արտակ Հանեսյանը նշել է, որ բանկը բավականաչափ ռեսուրսներ է ներդրել իր ապրանքների եւ ծառայությունների թվայնացման համար, եւ՝ ոչ միայն ֆինանսական: Այդ գործընթացը, նրա խոսքով, շարունակական է լինելու։ "Դա բավականին քրտնաջան, բարդ եւ երկար գործընթաց է, քանի որ տեխնոլոգիաները զարգանում են, եւ մենք պետք է ամբողջ ժամանակ համապատասխանենք տեխնոլոգիական լուծումների նոր պահանջների մակարդակին",

- եզրափակել է նա:

 

Նշենք, որ Ամերիաբանկը Հայաստանի առավել դինամիկ զարգացող բանկերից մեկն է, որը հանդիսանում է երկրի ամենակայուն եւ խոշորագույն ֆինանսական հաստատություններից մեկը: Ամերիաբանկը ունիվերսալ բանկ է, որը տրամադրում է կորպորատիվ, ներդրումային և մանրածախ բանկային ծառայություններ համալիր փաթեթով: Հայաստանի բանկային համակարգում Ամերիաբանկն առաջատար է հիմնական ֆինանսական ցուցանիշներով (ակտիվներ, պարտավորություններ, վարկային պորտֆել, կապիտալ):