Ամերիաբանկը կշարունակի ընդլայնել բիզնեսի համար ծառայությունները թվանշանային տարածքում

Արմինֆո.Ամերիաբանկը կշարունակի ընդլայնել բիզնեսի համար ծառայությունները թվանշանային տարածքում: Այդ մասին նախօրեին DIGITECH համաժողովի հարթակներում ԱրմԻնֆո-ի թղթակցի հետ զրույցում պատմել է Ամերիաբանկի նորարարությունների և թվայնացման դեպարտամենտի նախագծերի ղեկավար Արփինե Հարությունյանը։

"Մենք ՓՄՁ-ների համար ստեղծել ենք Ամերիա բիզնես-հարթակ, որտեղ շարունակաբար կառաջարկենք ՓՄՁ-ների պահանջները բավարարող լուծումներ, այդ թվում՝ ոչ ֆինանսական, ինչպես մեր հաճախորդների, այնպես էլ այն գործարարների համար, ովքեր կցանկանան մեզ հետ միասին սկսել և զարգացնել իրենց բիզնեսը", - ասել է նա:

Մասնավորապես, մասնագետը պատմել է, որ այսօր առանց բանկ այցելելու հնարավոր է բացել առցանց հաշիվ, ստանալ անվճար քարտ, անվճար օնլայն բանքինգ: Իրավաբանական անձանց համար, ինչպես նշել է մասնագետը, սա աննախադեպ առաջարկ է։

Ա. Հարությունյանը նշել է, որ Ամերիաբանկը բիզնեսի առցանց վարկավորման առաջամարտիկ է. գործարկված սքորինգային համակարգի միջոցով մի քանի րոպեի ընթացքում, ավտոմատ կերպով, հաստատվում է վարկը:

Ինտեգրված լինելով տարբեր տեղեկատվական համակարգերում, այդ թվում' ACRA վարկային բյուրոյի, Պետեկամուտների կոմիտեի տվյալների բազայի միջոցով և պետական ռեգիստրի տվյալների բազայում ԷԿԵՆԳ համակարգի միջոցով, Ամերիաբանկը հնարավորություն ունի ստանալ անհրաժեշտ տեղեկատվություն հաճախորդի վճարունակությունը գնահատելու համար:

"Ոչ միայն Հայաստանում, այլեւ տարածաշրջանում Ամերիաբանկն առաջինն է, ով ներդրել է բիզնեսի ավտոմատացված վարկավորման ապրանք", - ընդգծել է նա:

Նրա խոսքով, մինչեւ 10 մլն դրամ վարկ ստանալու դեպքում վարկը հաստատվում է մի քանի րոպեի ընթացքում: Մինչեւ 30 մլն դրամ գումարի դեպքում Բանկը պահանջում է մասնակի գրավ ավելի քան 10 մլն դրամ: "Այդ դեպքում վարկը հաստատվում եւ փոխանցվում է հաճախորդի հաշվին 2 օրվա ընթացքում", - հավելել է փորձագետը: Միաժամանակ, նա պատմել է, որ այսօր Ամերիաբանկը հնարավորություն ունի նաեւ առցանց ռեշիմով վերաֆինանսավորել վարկերը:

Ամերիաբանկի թվանշանային էկոհամակարգի շրջանակներում ևս մեկ հետաքրքիր ապրանք, որը վերաբերում է ուսանողներին, ներկայացրել է բանկի մասնագետ Անուշ Սարիբեկյանը: Նրա խոսքով ՝ առցանց ռեժիմով ուսանողները կարող են դիմել բանկ, որպեսզի ստանան այդ կատեգորիայի հաճախորդների համար հատուկ մշակված քարտ: "Այս քարտը մի շարք արտոնություններ ունի, այդ թվում ՝ ուսանողների շրջանում տարածված ժամանցի վայրերում (սրճարաններ, խանութներ և այլն) գործելու են հատուկ զեղչեր։ Բացի այդ, ֆինանսական գրագիտությունը խթանելու համար ամեն տարի ուսանողների քարտին կավելանա 3%: Այսպիսով, մենք ուսանողներին կսովորեցնենք տնտեսել միջոցները", - հավելել է Ա.Սարիբեկյանը:

Նա նշել է, որ, հանդիսանալով թվանշանային բանկ, Ամերիաբանկն ընդլայնում է հեռավար սպասարկման համակարգերը, որպեսզի հաճախորդներին հնարավորություն տա խնայել իրենց ժամանակը եւ մշտապես կառավարել իրենց հաշիվները: Մասնագետի խոսքով, Ամերիաբանկի էկոհամակարգի թվանշանային արտադրանքը լայն պահանջարկ ունի. ամեն օր հայտերի թիվը գերազանցում է մի քանի հարյուրը:

Նշենք, որ Ամերիաբանկը Հայաստանի առավել դինամիկ զարգացող բանկերից մեկն է, որը հանդիսանում է երկրի ամենակայուն եւ խոշորագույն ֆինանսական հաստատություններից մեկը: Ամերիաբանկը ունիվերսալ բանկ է, որը տրամադրում է կորպորատիվ, ներդրումային և մանրածախ բանկային ծառայություններ՝ համալիր փաթեթով: Ամերիաբանկը Հայաստանի բանկային համակարգում պահպանում է առաջատարի դիրքը հիմնական ֆինանսական ցուցանիշներով: Բանկի ակտիվներն անցել են 1 տրիլիոն շեմը՝ 2020թ. արդյունքներով դրամը, եւ այդ մակարդակի դուրս գալը առաջինն ու առայժմ միակն է հայկական բանկերի շրջանում։