Արմինֆո. 2022 թվականին Հայաստանի պետական բյուջեից շուրջ 425 մլն դրամ (մոտ 8,6 մլն ԱՄՆ դոլար, 1 դոլարը հավասար է 493,6 դրամ) կուղղորդվի ՀՀ նախագահի արտասահմանյան ուղեւորություններին: Այդ մասին ասվում է "ՀՀ 2022 թվականի պետական բյուջեի մասին" օրենքի նախագծում։
Ինչպես նոյեմբերի 3-ին Ազգային ժողովի մշտական հանձնաժողովների համատեղ նիստում ՀՀ պետական բյուջեի նախնական քննարկումների ժամանակ հաղորդել է ֆինանսների նախարար Տիգրան Խաչատրյանը, հաջորդ տարի ՀՀ նախագահի աշխատակազմին պետական բյուջեից 1 ծրագրի եւ երկու միջոցառումների իրականացման համար կհատկացվի 1 մլրդ 602.5 մլն դրամ (2021 թվականին' 1 մլրդ 601.2 մլն դրամ):
Նշենք, որ ըստ 2022 թվականի բյուջեի նախագծի՝ Հայաստանի պետական գանձարանի եկամուտները 2021 թվականի հաստատված պետական բյուջեի համեմատ կաճեն մոտ 437 մլրդ դրամով կամ 28,9% - ով, ծախսերը՝ 18,2%-ով կամ 337,5 մլրդ դրամով։ Այսպես, ծախսերը կհասնեն 2 տրլն 188.4 մլրդ դրամի, որից 1 տրլն 841.9 մլրդ դրամը կամ ՀՆԱ-ի 23.4% - ը կուղղվի ընթացիկ ծախսերի ծածկմանը։ ՀՆԱ-ի դեֆլյատորի աճը կկազմի 4,6 տոկոս (2021 թվականի արդյունքներով 6,8 տոկոս), 12-ամսյա գնաճը՝ 5,2 տոկոս (ս.թ. վերջին սպասվում է 7,4 տոկոս), իսկ միջին գնաճը 2022 թվականին կհասնի 5,6 տոկոսի (2021 թվականին սպասվում է 7 տոկոս):
