Արմինֆո. Փետրվարից Հայաստանը պետք է անցնի էլեկտրաէներգետիկայի շուկայի ազատականացման։ Այդ մասին հայտարարել է Հայաստանի տարածքային կառավարման եւ ենթակառուցվածքների նախարար Գնել Սանոսյանը՝ ամփոփելով գերատեսչության ղեկավարի պաշտոնում իր 100-օրյա գործունեության արդյունքները։
"Սա նորություն է մեր երկրի համար, և մենք հիմա պատրաստվում ենք։ Արդեն մի շարք քննարկումներ ենք ունեցել պետական և մասնավոր հատվածների գործընկերների հետ, ամեն շաբաթ հանդիպումներ են տեղի ունենում, որպեսզի նորմալ նախապատրաստվենք գործընթացին", - ասել է նա։
Հիշեցնենք, որ ավելի վաղ տարածքային կառավարման եւ ենթակառուցվածքների փոխնախարար Հակոբ Վարդանյանը հաղորդել էր, որ ԱՄՆ միջազգային զարգացման գործակալության կողմից էլեկտրաէներգիայի շուկայի ազատականացման ծրագրի իրականացման համար տրամադրվել է 8.5 մլն դոլարի դրամաշնորհ:
Նա բացատրել էր, որ շուկայի ազատականացմամբ մի շարք արտադրող կայաններ կսկսեն իրենց էլեկտրաէներգիան վաճառել շուկայում առաջարկի և պահանջարկի արդյունքում ձևավորված սակագնով, այլ ոչ թե ՀԾԿՀ սահմանած սակագնով։ "Ծրագրի կիրառման արդյունքում գեներացիայի օբյեկտները էլեկտրաէներգիայի 10% ազատ վաճառելու հնարավորություն կունենան", - ասել էր փոխնախարարը: Վարդանյանն ընդգծել էր, որ էլեկտրաէներգիայի շուկայի փուլային ազատականացումը կապահովի հավասար մրցակցային պայմաններ, կնպաստի սակագների կայունացմանը եւ կբարձրացնի տարածաշրջանային համագործակցության մակարդակը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |