Արմինֆո. Եվրասիական տնտեսական բարձրագույն խորհրդի որոշմամբ Եվրասիական տնտեսական հանձնաժողովի ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների հարցերով Կոլեգիայի անդամի (նախարարի) պաշտոնում նշանակվել է Վարոս Հարությունի Սիմոնյանը: Որոշումը կայացվել է Հայաստանի Հանրապետության առաջարկի հիման վրա:
Վարոս Սիմոնյանն ավարտել է Հայաստանի պետական ճարտարագիտական համալսարանը: Ինչպես նաև ուսանել է Բրեդֆորդի համալսարանում (Մեծ Բրիտանիա): Երկար տարիներ շարունակ գիտական գործունեություն է իրականացրել և դասախոսել Հայաստանի պետական ճարտարագիտական համալսարանում: Նոր ԵՏՀ նախարարն աշխատանքի մեծ փորձ ունի իշխանության պետական մարմիններում և միջազգային համագործակցության բնագավառում: 2019 թվականի օգոստոսից Վարոս Սիմոնյանը զբաղեցրել է Հայաստանի Հանրապետության էկոնոմիկայի նախարարի տեղակալի պաշտոնը, իսկ մինչ այդ մի քանի տարի շարունակ զբաղեցրել է Եվրոպական Միությունում Հայաստանի Հանրապետության առևտրային ներկայացուցչի (ատաշեի) պաշտոնը: Մասնագիտական գործունեության ընթացքում իր իրավասության տակ էին գտնվում եվրասիական տնտեսական ինտեգրման, ինչպես նաև արտաքին տնտեսական համագործակցության հարցերը:
2020 թվականի փետրվարի 1-ից Եվրասիական տնտեսական հանձնաժողովի (ԵՏՀ) ներքին շուկաների, տեղեկատվայնացման և տեղեկատվական-հաղորդակցական տեխնոլոգիաների հարցերով Կոլեգիայի անդամ է եղել Գեղամ Վարդանյանը, ով փոխարինել է Կարինե Մինասյանին:
RUB | 4.17 | -0.05 |
USD | 387.81 | -0.27 |
EUR | 415.62 | -0.67 |
GBP | 485.89 | 0.32 |
CAD | 284.05 | -0.11 |
JPY | 24.88 | 0.13 |
CNY | 53.56 | 0.01 |
CHF | 425.46 | 0.12 |