Արմինֆո. Ինեկոբանկը երկու տարվա դադարից հետո վերսկսել է իր պարտատոմսերի թողարկումը. դա դրամային տրանշ է՝ 2 մլրդ ծավալով: Այդ մասին նշված է ՀՀ Կենտրոնական բանկի կայքում զետեղված թողարկման ազդագրում, որի համաձայն, սկզբնական տեղաբաշխումը մեկնարկել է 2021թ. դեկտեմբերի 16-ին և նախատեսվում է ավարտել 2022 թ.մարտի 16-ին:
Դրամային Տրանշի շրջանակներում կթողարկվի 10 հազար դրամ անվանական արժեքով 250 հազար պարտատոմս: Արժեկտրոնային եկամտաբերությունը սահմանվում է 9.6%: Արժեկտրոնային վճարումների պարբերականությունը նախատեսված է կես տարին մեկ անգամ: Այս տրանշի ամբողջական մարումը նախատեսված է 2024 թվականի հունիսի 16-ին։
Այս թողարկման պարտատոմսերը ձեռք բերել ցանկացողները կարող են գումար փոխանցել Ինեկոբանկում բացված համապատասխան հաշվեհամարին. 2050000013753691:
AMX-ի տվյալներով՝ ֆոնդային բորսայում ս. թ.դեկտեմբերի 16-ի դրությամբ գնանշվում է Ինեկոբանկի պարտատոմսերի ընդամենը 1 թողարկում՝ 1.5 մլրդ դրամ ծավալով, որը թողարկվել է 2019թ. սեպտեմբերի 23-ին և մարվելու է 2022թ.: Այս թողարկման արժեկտրոնի եկամտաբերությունը կազմում է 9,75%:
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |