Փորձագետ. Հայաստանի ձկնաբուծական տնտեսություններն ուղղակի կախվածության մեջ են ռուսական շուկայից

Արմինֆո.Վերջին երկու տարիներին պետության կողմից որևէ քայլ չի ձեռնարկվել Հայաստանի ձկնարդյունաբերության կատարելագործման ուղղությամբ։ Նման կարծիք է հայտնել Հայաստանի ձկնաբույծների միության նախագահ Արմեն Բունիաթյանը։

"Ձկնաբուծության մասին մոռացել են, մեզանով չեն զբաղվում։ Մենք ինքնուրույն ենք լուծում

մեր խնդիրները և զարգացնում ենք մեր տնտեսությունները", - ասել է նա։

Մասնավորապես, Բունիաթյանը նշել է, որ հայկական ձկան եւ ձկնամթերքի արտահանման 70%-ը

ռուսական շուկա է մտնում։ Հաշվի առնելով այդ հանգամանքը՝ նա կարևորել է Ռուսաստանի Դաշնության հետ լավ հարաբերությունների պահպանումը։ "Եթե թեկուզ 10 օրով ՌԴ-ն դադարեցնի մեր ձկնային արտահանումը, մենք կորած ենք", - ասել է միության ղեկավարը:

Այդ տեսանկյունից, խոսելով ձկան արտահանման շուկաների դիվերսիֆիկացման մասին, Բունիաթյանը նշել է, որ այդ մասին պետք է մտածի հենց կառավարությունը, այլ ոչ թե արտադրողները, քանի որ կառավարությունը մինչ օրս երկրի համար չի ապահովել "եվրածածկագիր"' եվրոպական երկրների շուկաներ ձուկ արտահանելու համար: "Դրանով ոչ ոք չի զբաղվում, և ես կարծում եմ, որ նույնիսկ շահագրգռված չեն։ Իսկ գործարարը չի կարող դա ինքնուրույն անել", - դժգոհել է նա։

Փորձագետն ուշադրություն է հրավիրել նաև այն հանգամանքի վրա, որ անհրաժեշտություն կա ռուսական կողմի հետ պայմանավորվածություն ձեռք բերել դոլարով կամ եվրոյով առևտրային գործարքներ կատարելու մասին, քանի որ ռուբլու արժեզրկումը բացասաբար է անդրադառնում արտադրողների վրա: Այդ խնդրի միակ լուծումը Բունիաթյանը տեսնում է կանխիկ հաշվարկով առևտուր իրականացնելու մեջ՝ արժութային ռիսկերից խուսափելու համար։

Նշենք, որ այսօր Հայաստանում ընդամենը 116 ձկնաբուծական տնտեսություն կա, մինչդեռ, մինչեւ 2008 թվականը դրանք 330-ն էին։

Ըստ ՀՀ վիճակագրական կոմիտեի տվյալների՝ 2021 թվականի 9 ամիսների ընթացքում ձկնորսության համախառն արտադրանքը գերազանցել է 28 մլրդ դրամը, ինչը 3,3 տոկոսով բարձր է մեկ տարվա վաղեմության ցուցանիշից: Որսի ծավալը կազմել է 13 300 տոննա (տարեկան 3,3 տոկոս աճով): Ըստ Մաքսային ծառայության տվյալների՝ 2021 թվականի առաջին կիսամյակում Հայաստանն արտահանել է 211.3 տոննա կենդանի ձուկ, ինչը 2.8 անգամ ավելի է նախորդ տարվա ծավալից, ընդ որում 2.9 անգամ աճել է նաեւ մաքսային արժեքը՝ կազմելով 976.3 հազար դոլար: Սառեցված ձկան մատակարարումների ծավալը կազմել է 537.5 տոննա՝ 10 անգամ աճով, մաքսային արժեքի 6.2 անգամ, մինչեւ 2.1 մլն դոլար աճի դեպքում;  սառը ձկանը՝ 3.9 տոննա (22.7% աճ)՝ 22.3 մլն դոլար մաքսային արժեքով (27.5% աճ):