Արմինֆո. Նավթի եւ բենզինի գները կբարձրանան, եւ դա մարգարեություն չէ: Նման կանխատեսմամբ հանդես է եկել Հայաստանի մրցակցության պաշտպանության հանձնաժողովի նախագահ Գեղամ Գեւորգյանը դեկտեմբերի 28-ին ամփոփիչ մամուլի ասուլիսում:
Գեղամ Գեւորգյանը հիշեցրել է գների բարձրացման վերաբերյալ իր իսկ խոսքերը՝ մեկ տարվա վաղեմության։ Այս հաշվարկը, ինչպես նշել Է հանձնաժողովի ղեկավարը, հիմնված է ինչպես սեփական վերլուծության, այնպես էլ ֆոնդային բորսաների վերլուծության վրա: Նրա խոսքով՝ ԵԱՏՄ-ում կարծում են, որ նավթի եւ բենզինի գները կպահպանվեն ներկայիս մակարդակում, իսկ եվրոպացի գործընկերները, այնուամենայնիվ, հույս ունեն, որ գները կնվազեն:
Միևնույն ժամանակ, ՄՊՀ-ը կշարունակի առաջ տանել ԵԱՏՄ-ում նավթամթերքի և գազի միասնական շուկայի ստեղծման նախագիծը: "ԵԱՏՄ բոլոր հինգ անդամ երկրների առևտրային ընկերությունները պետք է հնարավորություն ունենան միության արտադրողներից վառելիք գնել հավասար գնով։ Տարբեր պետություններում փոխադրման ծախսերը, իհարկե, տարբեր են, սակայն դրանք էլ պետք է բոլորին հասկանալի լինեն", - նշել է Գեւորգյանը։
Անդրադառնալով Հայաստանում բենզինի շուկայումփոփոխություններին՝ Գեղամ Գևորգյանը հայտարարել է, որ շուտով նոր խաղացող կհայտնվի։ Մասնավորապես, ինչպես հաղորդել է հանձնաժողովի ղեկավարը, բենզինի շուկայում գործող "Petrol Market" ընկերության ակտիվների 100 տոկոսը ձեռք է բերվել Petrocas-ի հետ փոխկապակցված վրացական կապիտալով "Անիս Պետրոլիում" եւ "Պորիմա Էներջի Սոլյուշնս" ընկերությունների կողմից: Ընկերությունները, ինչպես պարզաբանել է ՄՊՀ ղեկավարը, հանդիսանում են "Gulf" ապրանքանիշի սեփականատերը, որով էլ դուրս կգան հայկական շուկա:
Petrocas-ը տարածաշրջանային խաղացող է, որի գործունեությունը կենտրոնացած է լոգիստիկայի, առեւտրի եւ նավթամթերքի մանրածախ առեւտրի ոլորտներում: Ընկերությունը տիրապետում եւ կառավարում է բարձր տեխնոլոգիական նավթային տերմինալ Փոթի նավահանգստում (Վրաստան), որն իրականացնում է նավթամթերքներին եւ նավթաքիմիային առնչվող լոգիստիկ գործառնություններ, առեւտրային գործառնությունների աշխարհագրությունը կենտրոնացած է Կասպից եւ Սեւ ծովերում: Ընկերությունը կառավարում է նաև Վրաստանում գազալցակայանների խոշորագույն մանրածախ ցանց (140 բրենդավորված կայան)։ Petrocas Energy Group ընկերության 49% - ը 2014 թվականին ձեռք է բերել "Ռոսնեֆտը" ։ Petrocas-ի գլխավոր գրասենյակը գտնվում է Կիպրոսում, օպերացիոն գործունեությունն իրականացվում է Լիմասոլում, Թբիլիսիում եւ Մոսկվայում գտնվող գրասենյակներից:
