Արմինֆո.Iran Airtour ավիաընկերությունը սույն թվականի հունվարի 1-ից մեկնարկել է Թեհրան-Երևան-Թեհրան երթուղով չվերթերը:
«Արմենիա» միջազգային օդանավակայաններ» ՓԲԸ մամուլի հաղորդագրության համաձայն, չվերթերը կիրականացվեն շաբաթական երկու չվերթ հաճախականությամբ՝ յուրաքանչյուր երեքշաբթի և շաբաթ օրերին:
«Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝ iranairtour.ir կամ կապ հաստատել տեղական տուրիստական գործակալությունների հետ: Շնորհավորում ենք մեր գործընկերներին և մաղթում անվտանգ թռիչքներ», - ասվում է հաղորդագրությունում:
Նշենք, որ Iran Airtour իրանական ավիաընկերությունը, որի գլխամասային գրասենյակը գտնվում է Թեհրանում, հիմնադրվել է 1972 թվականին՝ որպես Iran Air-ի դուստր ընկերություն, իրականացնում է կանոնավոր և չարտերային փոխադրումներ ներքին և միջազգային ուղղություններով ։
