Արմինֆո. Եվրասիական զարգացման բանկի (ԵԱԶԲ) նախաձեռնությամբ աջակցություն է ցուցաբերվել Հայաստանի, Բելառուսի և Ղրղզստանի ԵԱԶԲ 12 գործընկեր բանկերին՝ ֆինանսական գործիքների տրամադրման և փոքր ու միջին ձեռնարկություններից ստացվող նախագծերի գնահատման ժամանակ դրանց արդյունավետությունը բարձրացնելու համար:
Ինչպես ասվում է բանկի հաղորդագրությունում, դա հնարավոր է դարձել ՄԱԿ-ի Զարգացման ծրագրի (ՄԱԶԾ) եւ ԵԱԶԲ-ի "Ներուժի ամրապնդում ԱՊՀ տարածաշրջանում զարգացման կայուն ֆինանսավորման նպատակով" հատուկ նախագծի իրականացման շնորհիվ: Նախագծի հիմնական ֆինանսավորումն իրականացվում է "Ռուսաստանի Դաշնություն - ՄԱԶԾ զարգացման նպատակով" հիմնադրամի միջոցների հաշվին:
ՄԱԿ-ի Զարգացման ծրագրի (ՄԱԶԾ) միջազգային խորհրդատուի կողմից հատուկ անցկացված հետազոտության արդյունքներով, որը բացահայտել է բանկերի արդիական պահանջները, մշակվել է կրթական ծրագիր: Այն իր մեջ ներառում էր ռիսկերի կառավարման եւ կոմպլայենսի, գործընթացների օպտիմալացման, տեղեկատվական տեխնոլոգիաների եւ տեղեկատվական անվտանգության, վարկային սքորինգի մոդելների մշակման, թվային մարքեթինգի, արդյունավետության կառավարման եւ աշխատակիցների մոտիվացիայի հարցեր: Այս կրթական ծրագրին համապատասխան, միջազգային խորհրդատվական գործակալությունների կողմից ԵԱԶԲ գործընկեր բանկերի 170 աշխատակիցների համար իրականացվել են առկա և առցանց վարժանքներ:
Բացի այդ, ՄԱԶԾ-ի եւ ԵԱԶԲ-ի նախագծի շրջանակներում միջազգային խորհրդատուն իրականացրել է Միջազգային զարգացման ինստիտուտների կողմից երկրորդ մակարդակի բանկերին ֆինանսավորման տրամադրման լավագույն փորձի վերլուծություն, որը կարող է հարմարեցվել ԱՊՀ շուկային: Առաջին հերթին, ուսումնասիրվել է էներգաարդյունավետության եւ կայուն գյուղատնտեսական արտադրության բարձրացման, ինչպես նաեւ փոքր եւ միջին ձեռնարկատիրության աջակցության եւ այլնի հետ կապված փորձը: Վերլուծության արդյունքում ճշգրտվել են գործող վարկային գծերը, եւ առաջարկվել է 17 նոր վարկային ապրանք: Իր հերթին՝ ԵԱԶԲ-ը մշակել է գործընկեր բանկերին ֆինանսավորման տրամադրման նոր գործիքներ ՝ նրանց համար հարմարավետ և նպատակահարմար պայմաններով։
"Արդյունավետ եւ կայուն ֆինանսական հատվածը ԵԱԶԲ-ի անդամ պետությունների տնտեսությունների կայուն աճի կարեւոր բաղադրիչն է: Բանկը երկար ժամանակ ֆինանսական ինստիտուտներ է հիմնադրում փոքր և միջին բիզնեսի աջակցության, միկրոֆինանսավորման, առևտրային ֆինանսավորման և բանկերի և այլ ֆինանսական ինստիտուտների գործունեությանն աջակցող այլ ծրագրերի շրջանակներում: Այդ կապակցությամբ մենք ուրախ էինք ՄԱԿ Զարգացման ծրագրի հետ արդյունավետ համագործակցության համար, որը մեր գործընկեր բանկերին թույլ տվեց առավել ամրապնդել իրենց զարգացման ներուժն իրենց գործունեության ամենատարբեր ուղղություններով", - նշել է ԵԱԶԲ-ի վարչության նախագահի տեղակալ Ամանգելդի Իսենովը:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին