Արմինֆո. ՀՀ-ում Ճապոնիայի դեսպանությունը եւ «Հայաստանի մանուկներ» բարեգործական հիմնադրամը (COAF) ՀՀ տարածքային կառավարման եւ ենթակառուցվածքների նախարարությունում ստորագրել են "Լոռու մարզում հասարակական տրանսպորտի համար ավտոբուսների տրամադրում" դրամաշնորհային ծրագրի մեկնարկի մասին համաձայնագիր:
Ըստ համաձայնագրի՝ Ճապոնիայի դեսպանատունն ավելի քան 90 հազար դոլար կտրամադրի Լոռու մարզի հասարակական տրանսպորտի ցանցի բարելավման համար, ինչը ենթադրում է սահմանափակ հնարավորություններով մարդկանց համար հարմարեցված նոր ավտոբուսների գնում, տրանսպորտային ցանցի ընդլայնում եւ ենթակառուցվածքների բարեկարգում: Հաղորդվում է, որ նոր երթուղին 7 գյուղական բնակավայրեր կկապի Դսեղի եւ Վանաձորի միջեւ ։
Բացի այդ, տրանսպորտային համակարգի բարելավման շրջանակներում նախատեսվում է 7 բնակավայրերում ավտոբուսային կանգառների վերանորոգում, որտեղ հասանելի կլինի ժամանակացույցի մասին տեղեկատվությունը:
