Արմինֆո. Ռուսաստանի նկատմամբ պատժամիջոցների լույսի ներքո Հայաստանի էկոնոմիկայի նախարարությունը մտադիր է ակտիվացնել ջանքերը արտահանման դիվերսիֆիկացման համար, մասնավորապես, իրանական, արաբական, չինական շուկաների ուղղությամբ մատակարարումների ծավալները ավելացնելու նպատակով: Այդ մասին կառավարությունում լրագրողների հետ ճեպազրույցում հայտարարել է էկոնոմիկայի նախարար Վահան Քերոբյանը։
Ընդ որում, նա նշել է, որ ջանքերն ուղղվելու են նաև այն բանին, որպեսզի ՌԴ ուղղությամբ արտահանումը չտուժի։ Այդ առնչությամբ նախարարը հիշեցրել է, որ 2021 թվականի արդյունքներով Հայաստանը ռուսական շուկա է արտահանել 800 մլն դոլարի ապրանք։
Հղում կատարելով փորձագետների կարծիքներին՝ Քերոբյանը նշել է, որ ՌԴ հայկական արտահանումը 40 տոկոսով կրճատելու հավանականություն կա, ինչպես դա եղել է 2014-2015թթ. ընթացքում: Սակայն, նա նկատել է, որ նման սցենարը հնարավոր է եւ չի իրագործվի՝ Ռուսաստանի ուղղությամբ բեռնափոխադրումների գործընթացը բարդացնելու պատճառով: Մասնավորապես, նախարարը հիշեցրել է, որ միջազգային խոշոր "շիպինգները" հայտարարել են ՌԴ-ում բեռնափոխադրումները դադարեցնելու որոշման մասին: "Սա խոսում է այն մասին, որ առաջնային ապրանքների պահանջարկը կաճի, ինչը կանդրադառնա մեր պարենամթերքի արտադրողների վրա: Իսկ մենք, հիմնականում, պարենամթերք ենք արտահանում ՌԴ", - ասել է նա:
Քերոբյանի հավաստմամբ՝ կառավարության տնտեսական բլոկն այս փուլում ինտենսիվ աշխատում է հնարավոր վնասը նվազագույնի հասցնելու համար։ Նա խոսել է նաև կառավարությունում տեղի ունեցող իրավիճակի հետ կապված սցենարների փակ քննարկման մասին։ Իրողությունների քննարկումն ու վերլուծությունը, պաշտոնյայի խոսքով, տեղի կունենա հատուկ այդ նպատակով ստեղծված հարթակում ։ Քերոբյանը հրաժարվել է կանխատեսել հետագա իրավիճակը՝ վկայակոչելով մեծ քանակությամբ անորոշությունները։
Ինչպես այնուհետև նշել է նա, նախարարության գործողություններն ուղղված կլինեն նաև գնաճի զսպմանը։ Այս համատեքստում Քերոբյանը նշել է, որ նկատվում է ցորենի և մի շարք այլ ապրանքների գների բարձրացում, որոշակի ռիսկեր, ըստ նրա, կան նաև շաքարի շուկայում։ «Մենք մանրամասնորեն ուսումնասիրում ենք յուրաքանչյուր ապրանքային խումբ: Եվ աշխատելու ենք, որպեսզի գնաճը պահենք բյուջեով հաստատված մակարդակում", - ասել է նախարարը։
Հիշեցնենք, որ ՀՀ պետբյուջեում 2022 թվականի համար նախատեսված է տնտեսության 7 տոկոս աճ, գնաճը ամրագրված է 4 տոկոսի (+/-1,5 տոկոս) մակարդակում:
Նշենք, որ Ռուսաստանն ավանդաբար առաջատար է Հայաստանում փոխադարձ ապրանքաշրջանառության ծավալով։ 2021 թվականի արդյունքներով՝ արտաքին եւ փոխադարձ առեւտրաշրջանառության ընդհանուր կառուցվածքում ՌԴ-ի մասնաբաժինը կազմել է 32,7 տոկոս (նախորդ տարվա 31,9 տոկոսի փոխարեն): Մասնավորապես, ըստ Վիճակագրական կոմիտեի տվյալների, 2021 թվականին ՀՀ-ի եւ ՌԴ-ի միջեւ փոխադարձ առեւտրի ծավալն աճել է 20,9 տոկոսով ՝ կազմելով 2.6 մլրդ դոլար: Ընդ որում, արտահանումն աճել է 24,5 տոկոսով ՝ մինչեւ 847.2 մլն դոլար ՝ ներմուծման ծավալների 19,2 տոկոսով աճի ֆոնին ՝ մինչեւ 1.8 մլրդ դոլար:
