Արմինֆո. Ազգային ժողովը մարտի 9-ի նիստում քննարկել է ««Հայաստանի Հանրապետության ու Արժույթի միջազգային հիմնադրամի միջեւ 2022թ. հունվարի 11-ին եւ հունվարի 18-ին ստորագրված «Պահուստային ծրագրի միջոցների օգտագործման մասին» նամակ-համաձայնագիրը վավերացնելու մասին» օրենքի նախագիծը:
ԱԺ մամուլի ծառայության հաղորդման համաձայն, ֆինանսների նախարարի տեղակալ Վահե Հովհաննիսյանը նշել է, որ նամակ-համաձայնագրով Արժույթի միջազգային հիմնադրամը (ԱՄՀ) համաձայնում է Հայաստանի Հանրապետությանը Պահուստային ծրագրի ներքո 51.428 միլիոն ՀՓԻ (հատուկ փոխառության իրավունք) համարժեք բյուջետային աջակցության վարկ տրամադրել:
Վարկային միջոցների մասհանումը նախատեսվում է 2022թ. առաջին եռամսյակի ընթացքում: Վարկն ուղղվելու է ՀՀ 2022թ. պետական բյուջեի պակասուրդի ֆինանսավորմանը:
ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը ներկայացրել է հանձնաժողովի դրական եզրակացությունը: Գեւորգ Պապոյանի կարծիքով՝ նպատակը Հայաստանի տնտեսական զարգացմանը նպաստող ենթակառուցվածքների համար գումար ներդնելն է, որպեսզի հետագայում այս եւ մյուս վարկային միջոցներն ավելի հեշտությամբ սպասարկվեն ու մարվեն:
Ընդդիմադիր պատգամավորներն իրենց ելույթներում անդրադարձել են վարկ վերցնելու նպատակահարմարությանը, փոխարժեքի տոկոսադրույքի տատանումների բացասական հետեւանքներին:
Օրենսդիրներն անդրադարձել են ներքին ու արտաքին պարտքի առանձնահատկություններին, վարկի կառուցվածքին, վարկային ռեսուրսներն ավելի արդյունավետ օգտագործելու անհրաժեշտությանը:
Եզրափակիչ ելույթում ՀՀ ֆինանսների նախարարի տեղակալ Վահե Հովհաննիսյանը պարզաբանումներ է ներկայացրել պատգամավորների մտահոգությունների առնչությամբ: Նա հավաստիացրել է, որ վարկային այս միջոցները որեւէ կերպ չեն ֆինանսավորում ընթացիկ ծախսերը, այլ ներդրում է կատարվում ենթակառուցվածքների մեջ՝ հետագայում ՀՆԱ-ի ներուժն ավելացնելու նպատակով:
Նշենք, որ 2022թ. հունվարին Հայաստանը պետական պարտքն ավելացրել է գրեթե 60 մլն դոլարով' մինչեւ 9 մլրդ 282,6 մլն դոլար կամ 4 տրլն 479,5 մլրդ դրամ: Համաձայն 2022 թվականի պետական բյուջեի մասին օրենքի ՝ ընթացիկ տարվա վերջին պետական պարտքը կկազմի 4 տրլն 986 մլրդ դրամ կամ ՀՆԱ-ի 63,4 տոկոսը (դոլարի նկատմամբ դրամի հաշվարկային փոխարժեքը 477.45 դրամ է): 2022 թ. դեկտեմբերի 31-ին կառավարության պարտքը 7% տնտեսական աճի ապահովման պայմաններում կնվազի մինչև ՀՆԱ-ի 60,2%՝ մինչև 4 տրլն 741 մլրդ դրամ՝ 2021 թ.վերջին ֆինիշխանությունների կողմից ակնկալվող 4 տրլն 275 մլրդ դրամից կամ ՀՆԱ-ի 60,8%: 2022 թվականին միայն կառավարության պարտքի սպասարկման համար Հայաստանը կուղղորդի պետական բյուջեի ծախսերի շուրջ 10 տոկոսը կամ ՀՆԱ-ի 2,7 տոկոսը (ՀՆԱ-ի 7 տոկոս աճի ապահովման պայմանով): Մասնավորապես, կառավարության պարտքի սպասարկման եւ մարման համար կպահանջվի 517,2 մլրդ դրամ (մոտ 1,048 մլրդ դոլար), որից 302,8 մլրդ դրամը (մոտ 613 մլն դոլար) կկազմեն պարտքի գծով մարումներ, իսկ 214,4 մլրդ դրամ՝ տոկոսների վճարում (մոտ 434 մլն դոլար ՝ ընթացիկ տարվա 185,5 մլրդ դրամի դիմաց): 2022 թվականին կառավարության պարտքի միջին կշռված տոկոսադրույքը կկազմի 5 տոկոս՝ 2021 թվականի 4,6 տոկոսի փոխարեն:
Սուրեն Պարսյանը "լավատեսական" է համարել Հայաստանի ՀՆԱ-ի աճի վերաբերյալ ՀԲ-ի եւ ԱՄՀ-ի վերանայված կանխատեսումը՝ դեպի նվազում
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ