Արմինֆո. Կոնվերս Բանկը տեղաբաշխում է 2 մլրդ ՀՀ դրամ եւ 10 մլն ԱՄՆ դոլար ընդհանուր ծավալով անվանական արժեկտրոնային պարտատոմսեր: Պարտատոմսերի արժեկտրոնային եկամտաբերությունը համապատասխանաբար 10% և 4% է, արժեկտրոնի վճարման պարբերականությունը՝ կիսամյակային:
Թողարկման և տեղաբաշխման մանրամասներին, Ծրագրային ազդագրի և Թողարկման վերջնական պայմաններին կարելի է ծանոթանալ https://www.conversebank.am/hy/2022issue/ հղմամբ:
Տեղաբաշխման ավարտից հետո պարտատոմսերը կցուցակվեն «Հայաստանի ֆոնդային բորսա» ԲԲԸ-ում՝ երկրորդային շուկայում շրջանառվելու համար:
Պարտատոմսերում ներդրումներն, ի տարբերություն ավանդի, ազատված են հարկերից: Պարտատոմսերը հնարավոր է վաճառել երկրորդային շուկայում՝ մինչև դրանց մարման ժամկետը։Պարտատոմսերով ներգրավված դրամական միջոցները երաշխավորված են Ավանդների հատուցումը երաշխավորող հիմնադրամի կողմից:
Նշենք, որ օրերս Բանկը ամբողջությամբ մարել է AMCOVSB28ER6 տարբերակիչ ծածկագրով ՀՀ դրամով և AMCOVSB29ER4 տարբերակիչ ծածկագրով ԱՄՆ դոլարով պարտատոմսերը: Ընդհանուր առմամբ, մարվել է 1 մլրդ ՀՀ դրամ եւ 10 մլն ԱՄՆ դոլար անվանական արժեքով պարտատոմս, արժեկտրոնի վճարման չափը կազմել է 178,5 մլն դրամ:
Կոնվերս Բանկը թողարկված պարտատոմսերի քանակով եւ ծավալով շուկայի առաջատարներից է: Այս պահի դրությամբ, ՀՀ Ֆոնդային բորսայում գնանշվում է Բանկի՝ 4 մլրդ ՀՀ դրամ եւ 15 մլն ԱՄՆ դոլար ընդհանուր ծավալով պարտատոմս:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |