AmRating. Հայաստանը ստեղծված գլոբալ ճգնաժամային իրավիճակից առանց էական կորուստների դուրս գալու հնարավորություն ունի  2022 թվականին ապահովելով տնտեսության աճ  2-2.5%-ի միջակայքում

Արմինֆո.2022 թվականին Հայաստանի տնտեսության աճի վերաբերյալ միջազգային կազմակերպությունների եւ վարկանիշային գործակալությունների կանխատեսումները (1.5 -1.6%) տեսականորեն ճիշտ են եւ պահպաննվում են, բայց թույլ են հաշվի առնում Հայաստանի տնտեսության փոփոխվող կառուցվածքը, մասնավորապես, այսպես կոչված, պահանջարկի տնտեսությունից դեպի առաջարկի տնտեսություն անցման սկսված գործընթացը, թեեւ, թույլ արտահայտված բնութագրերով:

Նման կարծիք են հայտնել ԱրմԻնֆո-ի հետ փոխկապակցված AmRating ազգային վարկանիշային գործակալության փորձագետները երկրի բանկային համակարգի վիճակին նվիրված ամենամյա հետազոտության մեջ (Industry report of Armenian banks):

Վերլուծաբանների կարծիքով, տնտեսական ակտիվության վիճակը երկրում մեծապես կախված է լինելու, մի կողմից, բյուջեում ամրագրված կապիտալ ծախսերի ինտենսիվացումից և հնարավորինս լիարժեք իրացումից և ՀՀ ԿԲ դրամավարկային քաղաքականությունից՝ մյուս կողմից:

Ինչպես կարծում են փորձագետները, խոսքը կարող է վերաբերել մոնետար քաղաքականությանը, որն ուղղված է դրա հետագա խստացումից խուսափելուն ՝ վարկային ակտիվությունն ու տնտեսական աճի մեխանիզմները արժութային փոխարժեքի կառավարման պայմաններում պահպանելու նպատակով ՝ որպես գնաճի զսպման լրացուցիչ գործիք:

Ռուսաստանից դրամական փոխանցումների հնարավոր կրճատումը, փորձագետների կարծիքով, թույլ ազդեցություն կգործի ներքին պահանջարկի նվազման վրա՝ վերջին տարիներին փոխված դրամական փոխանցումների կառուցվածքի առնչությամբ: Ավելին, դրանց նվազումը կարող է լիովին փոխհատուցվել "ներգաղթային" և դեպի երկիր զբոսաշրջային հոսքի արդեն ոչ թե սեզոնային, ինչպես նախկինում էր, այլ մշտական, համասեզոնային Էական աճով, այդ թվում ՝ Ռուսաստանից, որի քաղաքացիները, արևմտյան պատժամիջոցների առնչությամբ, սահմանափակված կլինեն ոչ թանկարժեք հանգստի և հեռավար աշխատանքի վայրերի ընտրության հարցում, որոնց հարմարավետ ուղղություններից մեկը Հայաստանն է։

"Դժվար է նաեւ համաձայնել միջազգային կառույցների եւ վարկանիշային գործակալությունների կանխատեսումներին ներմուծման կրճատման առումով՝ կապված համախառն պահանջարկի անկման եւ գների աճի հետ։ Ռուսաստանի եւ Արեւմուտքի միջեւ փոխադրումների բնագավառի պատժամիջոցային սահմանափակումները, մեր կարծիքով, կխթանեն Հայաստանից Ռուսաստան ապրանքների զուգահեռ ներմուծման զգալի աճը, որոնք չեն ընկնում արեւմտյան պատժամիջոցների տակ։ Հայաստանը, անշուշտ, կսկսի վաստակել նաեւ պատժամիջոցներից զերծ ապրանքների մեծ ծավալների վերաարտահանման ժամանակ", - կարծում են վերլուծաբանները։

Պատժամիջոցների ենթարկվող Ռուսաստանի եւ Բելառուսի համար «ներմուծմանը փոխարինող»  տեսականու արտադրողականության բարձրացման եւ ընդլայնման գործընթացի հաջողությունը կախված կլինի գրագետ խթանող արդյունաբերական քաղաքականությունից, որը հիմնված կլինի տոկոսադրույքների սուբսիդավորման ծրագրերի եւ արտադրությունների արդիականացման եւ ընդլայնման այլ պաթեռնիստական միջոցառումների արդյունավետ իրականացման  եւ արտաքին առեւտրի ակտիվացման վրա:

Հայաստանը, որի համար Ռուսաստանը, ապա Չինաստանն ու ԵՄ երկրները (լեռնահանքային հումք) այսօր հանդես են գալիս որպես հիմնական առևտրային գործընկերներ, հնարավորություն ունի առանց էական կորուստների դուրս գալու ստեղծված գլոբալ տնտեսական և աշխարհաքաղաքական ճգնաժամային իրավիճակից ՝ ՝ 2022 թվականին ապահովելով տնտեսության աճ 2-2, 5%-ի միջակայքում: