ԱրմԻնֆո-ի ֆինանսական վարկանիշ. Հայաստանի ապահովագրական հատվածն ամփոփել է 2022թ. 1-ին եռամսյակը 2.5 մլն դոլար շահույթով

Արմինֆո. Հայաստանի ապահովագրական ընկերությունների (ԱԸ) ընդհանուր շահույթը 2022թ. առաջին եռամսյակում գերազանցել է 1.2 մլրդ դրամը (ավելի քան 2.5 մլն դոլար), տարեկան եւ եռամսյակային կտրվածքով' 4-4,4 անգամ աճով (2021թ. նույն ժամանակահատվածներում 2,2-2,5 անգամ անկման դիմաց): Ընդ որում, եռամսյակային դինամիկան արձանագրում է դրական մակարդակի ավելացում, իսկ տարեկանը՝ բացասականից մինչեւ դրական: 2022թ. I եռամսյակում բոլոր ԱԸ-ները զգալիորեն ավելացրել են շահույթը 2021թ. I եռամսյակի համեմատ, ընդ որում, նրանցից երեքը ծանրակշիռ աճ են ապահովել՝ վնասից շահույթի հասնելոււ հաշվին։

Ըստ ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի, դա դիտվել է փոխհատուցումների ավելի ծանրակշիռ տարեկան անկման (46,7% - ով) ֆոնին, քան՝ ապահովագրավճարների (18,7% - ով), այն դեպքում, երբ մեկ տարի առաջ երկու ցուցանիշներն էլ աճել էին, համապատասխանաբար, 25,6%-ով եւ 3,1%-ով: Ընդ որում, եռամսյակային կտրվածքով եւ ապահովագրավճարների, եւ փոխհատուցումների աճը պահպանվել է, մասնավորապես, ՝ ապահովագրավճարները՝ մինչեւ 82 տոկոս տեմպերի արագացմամբ,  եւ փոխհատուցումները՝ մինչեւ 9,1 տոկոս դանդաղմամբ (2021թ.IV եռամսյակում 2,1-20 տոկոս աճի դիմաց):

Զուտ շահույթի մակարդակով առաջին տեղը 2022թ. առաջին եռամսյակում զբաղեցրել է "Նաիրի Ինշուրանս"  ԱԸ՝ 426.04 մլն դրամ (տարեկան 16 անգամ աճ՝ եռամսյակային 32.5% աճի դեպքում): Երկրորդ տեղը զբաղեցրել է "Ռոսգոսստրախ Արմենիան"՝ 289.5 մլն դրամ (տարեկան 2,5 անգամեւ եռամսյակային 3,3 անգամ աճով՝ վնասից դուրս գալով): Երրորդ հորիզոնականում է "ԻՆԳՈ Արմենիա"-ն' 193.03 մլն դրամ (տարեկան 2,9 անգամ աճով և եռամսյակային 26,5% աճով): Չորրորդ հորիզոնականը շարունակում է զբաղեցնել "ՌԵՍՈ" ԱԸ՝ 136.3 մլն դրամ (տարեկան 3 անգամ աճով և եռամսյակային 4,3 անգամ աճով ՝ վնասից դուրս գալով)։ Հինգերորդ հորիզոնականում է "Արմենիա Ինշուրանսը" ՝ 118.4 մլն դրամ (տարեկան 2,3 անգամ աճով և 3,7 անգամ եռամսյակային աճով)։ Եվ վեցերորդ հորիզոնականում է հայտնվել "Սիլ Ինշուրանս" ԱԸ ՝ 53.4 մլն դրամ, տարեկան 2,5 անգամ աճով (վնասից դուրս գալով)՝ շահույթի եռամսյակային 3.1%  անկմամբ։

Փոխհատուցումների ավելի էական տարեկան անկումը, քան՝ ապահովագրավճարներինը, ապահովագրության գծով շահույթի դինամիկան շրջել է 12,7% անկումից մինչեւ 32,8% աճ՝ հասնելով 11,5 մլրդ դրամի։ Այդ ցուցանիշի դինամիկայի նույնպիսի շրջադարձ է արձանագրվել  նաեւ եռամսյակային կտրվածքով, բայց 25% անկումից հասնելով ավելի էական աճի՝ 3.6 անգամ՝ ապահովագրավճարների աճի զգալի արագացման շնորհիվ՝ փոխհատուցումների աճի կտրուկ դանդաղման դեպքում։

Հիշեցնենք, որ Հայաստանի ապահովագրական շուկայում գործում է 20 դասից 17-ով աշխատող 6 ընկերություն, բացառությամբ երկաթուղային տրանսպորտի ապահովագրության, երկաթուղային տրանսպորտի օգտագործումից բխող պատասխանատվության, դատական եւ արտադատական ծախսերի ապահովագրության: 2020թ. երկրորդ եռամսյակից ԱԸ հաշվետվությունում տող գյուղատնտեսական ռիսկերի ապահովագրություն (ագրոապահովագրություն), որոնց վերաբերյալ տվյալները հանրագումարում հաշվի չեն առնվում, քանի որ արդեն ներառված են ապահովագրության համապատասխան դասերում: Դասերի առավել թվով լիցենզավորված են "ԻՆԳՈ Արմենիան"՝ 16 (ջրային տրանսպորտի ապահովագրության դասով աշխատող միակ ԱԸ) և "Ռոսգոսստրախ Արմենիան"՝ 15։  (Դրամի հաշվարկային փոխարժեքը դոլարի նկատմամբ 31.03.22-ի դրությամբ կազմել է 485.91 դրամ/$1):