Արմինֆո. Ռուսաստանի պետական սահմանի մի շարք անցակետեր հագեցած կլինեն ապրանքների ստուգման համար լրացուցիչ տեղերով, ինչը թույլ կտա ավելացնել բեռնահոսքերը եւ արագացնել անհրաժեշտ արտադրանքի ներմուծումը երկիր: ՌԴ կառավարության կայքի հաղորդման համաձայն, այդ մասին որոշում է ստորագրել է կառավարության նախագահ Միխայիլ Միշուստինը։
Խոսքը վերաբերում Կավկազ ծովային անցակետին, որով ապրանքներ են ներկրվում Թուրքիայից, ռուս-ադրբեջանական սահմանին Յարագ-Կազմալյար ավտոմոբիլային անցակետին, ինչպես նաեւ ռուս-վրացական սահմանի Վերին Լարսի ավտոմոբիլային անցակետին, որով մատակարարումներ են իրականացվում Ադրբեջանից, Հայաստանից, Վրաստանից, Թուրքիայից եւ Իրանից:
Միխայիլ Միշուստինը նաեւ ստորագրել է կարգադրություն, որը թույլ կտա արագացնել ռուսական անցակետերի արդիականացումը եւ բարձրացնել դրանց թողունակությունը: 2022 թվականին սահմանային անցակետերի վերանորոգման եւ կահավորման համար նյութերի եւ սարքավորումների գնումը կիրականացվի պարզեցված սխեմայով ՝ գնանշումների էլեկտրոնային հարցման միջոցով, ինչը թույլ կտա զգալիորեն կրճատել նման գնումների ժամկետները:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |