Արմինֆո.ԵԱՏՄ երկրների հետ Հայաստանի առևտրաշրջանառությունը 2022թ. առաջին եռամսյակում 2021թ. նույն ժամանակահատվածի համեմատ աճել է 40,7% - ով (նախորդ տարվա 9,3%-ի համեմատ)՝ գերազանցելով 653,7 մլն դոլարը: Այդ մասին են վկայում ՀՀ վիճակագրական կոմիտեի վերջնական տվյալները:
Ըստ վիճակագրական տվյալների՝ ԵԱՏՄ երկրների հետ Հայաստանի առևտրի բացասական սալդոն 2022թ. առաջին եռամսյակում կազմել է 266.2 մլն դոլար՝ տարեկան կտրվածքով աճելով 78.4% - ով (նախորդ տարվա 26.1% անկման դիմաց) ներմուծման 49.9%-ով, մինչև 459.9 մլն դոլար աճի ֆոնին՝ արտահանման 22.9%-ով, մինչև 193.8 մլն դոլար աճի դեպքում (մեկ տարի առաջ ներմուծման 14.2% անկման և արտահանման 2,1% աճի դիմաց):
ԵԱՏՄ երկրների հետ Հայաստանի առևտրաշրջանառության վերընթաց միտումը պայմանավորել են Ռուսաստանը, Բելառուսը և Ղրղզստանը, իսկ Ղազախստանը անկում է գրանցել։ Մասնավորապես, Ռուսաստանի հետ Հայաստանի առեւտրաշրջանառությունը աճել է տարեկան 40,6 տոկոսով (մեկ տարի առաջվա 8,1 տոկոս անկման դիմաց), Բելառուսի հետ՝ 73,2 տոկոսով (մեկ տարի առաջվա 49,8 տոկոս անկման դիմաց), Ղրղզստանի հետ՝ 52,9 տոկոսով (մեկ տարի առաջվա 85,8 տոկոս աճի դիմաց): Ընդ որում, Ղազախստանի հետ Հայաստանի առևտրաշրջանառության տարեկան դինամիկան 54,1% աճից ծավալվել է դեպի 36,4% անկում։
Ռուսաստանը պահպանում է առաջատարի դիրքը ինչպես արտաքին առեւտրաշրջանառության ընդհանուր ծավալով (634.2 մլն դոլար), այնպես էլ արտահանման եւ ներմուծման գծով (համապատասխանաբար՝ 186.2 մլն դոլար եւ 448.02 մլն դոլար): Արտահանումը Ռուսաստանի հետ արագացրել է տարեկան աճը 2% - ից մինչև 23,3%, ներմուծման 12,4% անկումից մինչեւ 49,4% աճի դեպքում։
ԵԱՏՄ երկրների հետ Հայաստանի արտաքին առեւտրի կառուցվածքում Ռուսաստանից հետո ծավալով հաջորդում են Բելառուսը, Ղազախստանը եւ Ղրղզստանը, համապատասխանաբար, 16.4 մլն դոլար, 2.2 մլն դոլար եւ 913 հազար դոլար:
Հայկական ապրանքների արտահանումը Բելառուս աճել է 43,3% - ով՝ մինչև 4.9 մլն դոլար, իսկ ներմուծումը՝ 89,9% - ով ՝ մինչև 11.5 մլն դոլար՝ մեկ տարի առաջ այդ ցուցանիշների զգալի՝ արտահանման 26,8% և ներմուծման 57,5% անկման դիմաց։ Ղազախստանի ուղղությամբ արտահանումը նվազել է 29,2 տոկոսով, մինչեւ 1.9 մլն դոլար ՝ ներմուծման 59,5 տոկոսով՝ մինչեւ 334,5 հազար դոլար անկման դեպքում, մինչդեռ մեկ տարի առաջ այդ ուղղությամբ արտահանումը 85,2 տոկոսով աճել էր ներմուծման չնչին անկման դեպքում ՝ ընդամենը 0,1 տոկոսով: Հայկական ապրանքների արտահանումը Ղրղզստան աճել է 55,9 տոկոսով ՝ մինչև 865,5 հազար դոլար՝ ներմուծման 12,3 տոկոսով աճի դեպքում՝ մինչև 47,5 հազար դոլար, մինչդեռ, մեկ տարի առաջ արտահանումն աճել էր 2,2 անգամ՝ ներմուծման 38,1 տոկոսով անկման դեպքում:
ԵԱՏՄ երկրների հետ Հայաստանի առևտրաշրջանառության տեսակարար կշիռը արտաքին առևտրի ընդհանուր կառուցվածքում 2022թ. առաջին եռամսյակի արդյունքներով կազմել է 31,1%' 2021թ.նույն ժամանակահատվածի 30,7%-ի դիմաց: Ընդ որում, Ռուսաստանի մասնաբաժինը 29,8% - ից բարձրացել է 30,2% - ի, Բելառուսինը' 0,6%-ից մինչեւ 0,8%, իսկ Ղրղզստանինը պահպանվել է 0,04%-ի մակարդակում, մինչդեռ Ղազախստանի մասնաբաժինը նվազել է 0,2%-ից մինչեւ 0,1%: Իսկ ԵԱՏՄ երկրների հետ Հայաստանի առեւտրի կառուցվածքում Ռուսաստանի բաժինը կազմում է 97%, Բելառուսինը' 2,5%, Ղազախստանինը' 0,3%, Ղրղզստանինը' 0,1%:
Ընդհանուր առմամբ, Հայաստանի արտաքին առեւտրաշրջանառությունը 2022թ. առաջին եռամսյակում կազմել է 2.098 մլրդ դոլար՝ 4,4% անկումից մինչեւ 38,5% աճ տարեկան դինամիկայով։ Մասնավորապես, ներմուծման դինամիկայի 8.7% անկումից մինչեւ 45.6% աճ շրջադարձն ուղեկցվել է արտահանման աճի 3.4%-ից մինչեւ 26.9% արագացմամբ, որոնց ծավալները հասել են, համապատասխանաբար, 1.4 մլրդ և 731.8 մլն դոլարի: Արդյունքում՝ Հայաստանի արտաքին առևտրի բացասական սալդոյի դինամիկան 2022թ. առաջին եռամսյակում ծավալվել է 13.4% անկումից մինչեւ 75.5% աճ' կազմելով 634.5 մլն դոլար: