Արմինֆո.Եվրասիական տնտեսական միության ագրոարդյունաբերական համալիրում ինտեգրման զարգացման հեռանկարներն են եղել Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով նախարար Արտակ Քամալյանի և Ղազախստանի Հանրապետության գյուղատնտեսության նախարար Երբոլ Կարաշուկեևի հանդիպման ուշադրության կենտրոնում:
Ինչպես հաղորդում է ԵՏՀ ԱԱՀ մամլո ծառայությունը, Նուր Սուլթանում կողմերը քննարկել են ընթացիկ տարում Ղազախստանի կողմից Միության շրջանակներում գյուղատնտեսական արտադրանքի պահեստային վկայականների թողարկման (տրամադրման), շրջանառության և մարման կանոնների մասին համաձայնագրի ստորագրման ներպետական ընթացակարգերի անցկացման ընթացքը:
"Այս փաստաթղթի ընդունումն այսօր առանձնակի արդիականություն է ձեռք բերում, քանի որ թույլ է տալիս միության շրջանակներում էլեկտրոնային առեւտուրը զարգացնել գյուղատնտեսական արտադրանքի վերաբերյալ ոչ փաստաթղթային պահեստային վկայականների փոխադարձ ճանաչման հիման վրա, ինչպես նաեւ բարձրացնել վարկերի հասանելիությունը գյուղատնտեսական արտադրողներին պահեստային վկայականի գրավով: Նման ենթակառուցվածքը հետագայում կարող է օգտագործվել նաեւ երրորդ երկրների սուբյեկտների հետ առեւտրում", - նշել է Արտակ Քամալյանը։
Հանդիպման մասնակիցները քննարկել են 2022 թվականին գյուղմթերքի առանձին տեսակների առեւտրի ինդիկատիվ (կանխատեսումային) ցուցանիշները:
Նախարարները քննարկել են ԵԱՏՄ ագրոարդյունաբերական քաղաքականության խորհրդի առաջիկա նիստի օրակարգի նախագիծը, ինչպես նաև Եվրասիական տնտեսական միությունում օրգանական արտադրանքի ընդհանուր շուկայի ձևավորմանը վերաբերող մի շարք հարցեր:
ԵԱՏՄ ագրոարդյունաբերական քաղաքականության խորհուրդը ԵԱՏՄ պետությունների կողմից համաձայնեցված ագրոարդյունաբերական քաղաքականության իրականացման համար օժանդակ մարմին է: Ստեղծվել է Եվրասիական տնտեսական բարձրագույն խորհրդի 2018 թվականի մայիսի 14-ի №6 որոշմամբ ՝ ԵԱՏՄ մասին 2014 թվականի մայիսի 29-ի պայմանագրի 12-րդ հոդվածի 2-րդ կետի 22-րդ ենթակետին համապատասխան:
