Արմինֆո. FLYONE ARMENIA ավիաընկերությունը հունիսի 20-ից կանոնավոր չվերթներ է սկսում Երեւան-Բեյրութ-Երեւան ուղղությամբ: Ինչպես հաղորդում է ընկերության մամուլի ծառայությունը, թռիչքը կիրականացվի երկուշաբթի և ուրբաթ օրերին "Զվարթնոց" միջազգային օդանավակայանից դեպի Ռաֆիկ Հարիրիի անվան օդանավակայան:
"Սա մեզ համար կարևոր իրադարձություն է, քանի որ հնարավորություն է ստեղծվում սերտորեն կապել մեր բարեկամ ժողովուրդներին, բարձրացնել ճանապարհորդությունների հասանելիությունը ինչպես զբոսաշրջիկների, այնպես էլ բիզնեսի և հայկական սփյուռքի ներկայացուցիչների համար ։ Մենք կանենք հնարավոր ամեն ինչ, որպեսզի այս չվերթը պահանջված դառնա մեր ուղևորների համար", -Երևան-Բեյրութ-Երևան չվերթի մեկնարկի հանդիսավոր արարողության ժամանակ հայտարարել է FLYONE ARMENIA ընկերության խորհրդի նախագահ Արամ Անանյանը: Հիշեցնենք, որ հունիսի սկզբին կայացած մամուլի ասուլիսի ժամանակ Անանյանը հաղորդել էր, որ այս տարի ընկերությունը նախատեսում է ավելացնել մի քանի ուղղություններ Մերձավոր Արեւելքում, մասնավորապես, փոխադրումներ իրականացնել դեպի Թեհրան եւ Բեյրութ: Բացի այդ, դիտարկվում է ՀՀ քաղաքացիների կողմից պահանջված հանգստի գոտիների ուղղությամբ չարթերային չվերթներ իրականացնելու հնարավորությունը ։
Նշենք, որ FLYONE ARMENIA (www.flyone.am) հիմնադրվել է 2021 թվին: Հոկտեմբերի 27-ին ՀՀ քաղավիացիայի կոմիտեն ընկերությանը տրամադրել է օդանավ շահագործողի վկայական: Ընկերությունը ստացել է IATA 3F երկնիշ կոդը և ICAO FIE եռանիշ կոդը։ Ավիաընկերության նավատորմը բաղկացած է Airbus A320 ընտանիքի ինքնաթիռներից, որոնք նախատեսված են 180 տեղի համար եւ համապատասխանում են օդային տրանսպորտի միջազգային ասոցիացիայի (IATA) եւ EASA անվտանգության բոլոր չափանիշներին:
Ընկերությունն աշխատում է որպես FLYONE-ի (www.flyone.eu) հայկական ստորաբաժանում: Ընկերության աշխատանքը մեկնարկել է 2016 թվականին Մոլդովայի Հանրապետությունում և ներկայումս ընկերությունը հանդիսանում է տարածաշրջանի ավիացիոն շուկայի առաջատարներից մեկը: FLYONE - ը բազմիցս մտել է EMEA (Եվրոպա, Մերձավոր Արեւելք եւ Աֆրիկա) կատեգորիայի լավագույն 10 առավել ճշտապահ ընկերությունների մեջ:
FLYONE ARMENIA-ի բոլոր տոմսերը, ներառյալ լրացուցիչ ծառայությունները, կարելի է ձեռք բերել www.flyone.am կայքում կամ բջջային հավելվածի միջոցով, որը հասանելի է Google App-ում կամ App Store-ում, ինչպես նաեւ բոլոր գործընկեր ընկերությունների գրասենյակներում:
Արդյո՞ք արտահանողները պետությունից օգնություն կտանան, թե՞ Հայաստանի տնտեսությունը կտապակեն մոնետար թավայի վրա
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ
Առանց Ջուլֆայի սահմանակետի տարածաշրջանի ապաշրջափակման մասին բոլոր խոսակցություններն արժեք չունեն. փորձագետ
Օգոստոսի 1-ից կարգելվի սերտիֆիկացված ընկերությունում տեխզննում չանցած գազի բալոններով ավտոմեքենաների լիցքավորումը