Արմինֆո. Աշխատանքային այցով Ղազախստանի Հանրապետություն մեկնած փոխվարչապետ Մհեր Գրիգորյանը Նուր-Սուլթանում մասնակցել է Եվրասիական զարգացման բանկի (ԵԶԲ) խորհրդի հերթական նիստին:
Կառավարության պաշտոնական հաղորդագրության համաձայն, նիստի օրակարգի շրջանակներում քննարկվել են ԵԶԲ տարեկան հաշվետվությունը, ինչպես նաև նոր անդամների ԵԶԲ անդամակցության կանոնակարգը: Փոխվարչապետը նիստի ընթացքում կարևորել է 2022-2026 թվականների համար Հայաստանի հետ համագործակցության ԵԶԲ ռազմավարության ընդունումը:
Հիշեցնենք, որ Եվրասիական զարգացման բանկը (ԵԶԲ) միջազգային ֆինանսական կազմակերպություն է, որը ներդրումային գործունեություն է իրականացնում եվրասիական տարածքում: Ստեղծվել է 2006 թվականին: Բանկն աջակցում է տնտեսական կապերի ամրապնդմանն ու ընդլայնմանը եւ մասնակից երկրների ՝ Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի համակողմանի զարգացմանը: ԵԶԲ-ի կանոնադրական կապիտալը կազմում է 7 մլրդ դոլար: ԵԶԲ-ի պորտֆելում հիմնական մասն են կազմում տրանսպորտային ենթակառուցվածքի, թվային համակարգերի, կանաչ էներգետիկայի, գյուղատնտեսության, արդյունաբերության եւ մեքենաշինության ոլորտներում ինտեգրացիոն էֆեկտով նախագծերը: Իր գործունեության ընթացքում բանկն առաջնորդվում է ՄԱԿ-ի կայուն զարգացման նպատակներով և ESG սկզբունքներով:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |