Հայաստանում հակվում են «ՎՎԷՌ ՏՕԻ» տիպի նոր ատոմային էներգաբլոկի կառուցման

Արմինֆո.Երեւանում է "Ռոսատոմի" գլխավոր տնօրենի տեղակալ Նիկոլայ Սպասկին, որը բանակցություններ է վարում երկրի իշխանությունների հետ Հայաստանում նոր ատոմային էներգաբլոկի կառուցման շուրջ։ Այդ մասին ԱրմԻնֆո-ին հաղորդել է Հայկական ատոմային էլեկտրակայանի գլխավոր տնօրենի խորհրդական Գերա Սևիկյանը։

Նա նշել է, որ ռուսական պատվիրակությունն արդեն հանդիպել է տարածքային կառավարման եւ ենթակառուցվածքների նախարար Գնել Սանոսյանի հետ, հաջորդ հանդիպումը կլինի փոխվարչապետ Մհեր Գրիգորյանի հետ: Բանակցությունների առարկան, ինչպես նշել է Գերա Սեւիկյանը, ապագա էներգաբլոկի մոդիֆիկացումն է, քանի որ ռեակտորի տեսակի առնչությամբ հայկական կողմն արդեն կողմնորոշվել է. դա կլինի 1000 մեգավատ հզորությամբ ջրամիջուկային էներգետիկ ռեակտոր (ՎՎԷՌ): Հայ մասնագետներն ավելի շատ հակված են 1300 մեգավատ հզորությամբ ՎՎԵՐ ՏՕԻ ռեակտորի մոդիֆիկացմանը։ Սակայն, հաշվի առնելով Հայաստանի լեռնային տեղանքը, դրա հզորությունը կարող է փոքր - ինչ պակաս լինել՝ 1150 մեգավատ։

Գլխավոր տնօրենի խորհրդականը հավելել է, որ արդեն 2024 թվականին հայկական կողմը պետք է համաձայնագիր ստորագրի նոր միջուկային էներգաբլոկի կառուցման մասին: Հաշվի առնելով ներկայումս գործող Հայկական ԱԷԿ-ի երկրորդ էներգաբլոկի մինչեւ 2036 թվականը երկարաձգման հնարավորությունը եւ օբյեկտի շինարարության ժամկետները՝ 8 տարի եւ ավելի, անհրաժեշտ է արդեն երկու տարի անց ունենալ համապատասխան համաձայնագիր: Ներկայումս մասնագետները պատրաստում են նախագծի տեխնիկատնտեսական հիմնավորումը ՝ հետագայում այն կառավարություն ներկայացնելու եւ ֆինանսավորման հետ կապված հարցը լուծելու համար:

Նշենք, որ ավելի վաղ Հայաստանում ակտիվ քննարկումներ էին ընթանում 600 մեգավատ միջին հզորության միջուկային էներգաբլոկի եւ 50 մեգավատանոց մոդուլային փոքր բլոկների կառուցման շուրջ: Երկրի իշխանությունները մտադիր են Հայկական ԱԷԿ-ի գործող էներգաբլոկի շահագործման ժամկետը երկարաձգել մինչեւ 2036 թվականը՝ մինչ այ նախատեսելով կառուցել նոր բլոկ:

Հայկական ԱԷԿ-ը, որը միակն է Հարավային Կովկասի տարածաշրջանում, ավանդաբար հանդիսանում է երկրի էլեկտրաէներգիայի հիմնական աղբյուրներից մեկը ՝ տարեկան արտադրելով Հայաստանի ողջ էլեկտրաէներգիայի մինչեւ 40 տոկոսը՝ ամենացածր սակագներից մեկով: